اسلام آباد۔ 06 جنوری (اے پی پی) چیئرمین سینیٹ محمد صادق سنجرانی ڈپٹی چیئرمین سینیٹ سینیٹر سلیم مانڈوی والا نا مار امیر مانڈوی والا نا کزیت آ ڈکھ و است ہسونی نا درشانی ءِ کرینے۔ دوشنبے نادے آ سینیٹ سیکرٹریٹ آن جاری بیان نا رداٹ چیئرمین سینیٹ محمد صادق سنجرانی خاہوت تون ہڑزخواہی کرسا اللہ تعالیٰ غان دعا کرے کہ ایماندار ءِ جنت الفردوس اٹی جاگہ ایتے و غمزدہ خاہوت ءِ دا صدمہ ءِ صبر اٹ سگنگ نا توفیق ایتے۔ قائد ایوان سینیٹر شبلی فراز، قائد حزب اختلاف سینیٹر راجہ محمد ظفر الحق ئسک ہم ڈپٹی چیئرمین سینیٹ نا مار انا کزیت آ است ہسونی نا درشانی ءِ کرسا غمزدہ خاہوت تون ہڑزخواہی کریر۔ اواللہ تعالیٰ آن ایماندار نا درجہ غاتا بڑزی کن دعاہم کریر۔

متعلقہ مضامینمصنف کی طرف سے مزید