اسلام آباد۔ 06 جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ گردوارہ کرتارپور اٹی سکھ مذہب نا 10 می گروگو بند سنگھ انا ودی دے انا بنجائی دود انا شاندار اڈتننگ بھارتی پروپیگنڈانا نفی ءِ، سد آتا کچ اٹی سکھ یاتری تا بشخ ہلنگ پاکستان نا پرامن و روشنا دروشم نا شاہدی ءِ ہراڑے اقلیت آک آجوئی اتون تینا مذہبی رسم آتے ادا کننگ کیرہ۔ دوشنبے نادے آ تینا ٹویٹ اٹی ڈاکٹر فردوس عاشق اعوان پارے کہ کرتارپور راہداری امن، آشتی و مہر و مریبت نا راہداری ءِ، دود اٹی چندی مذہب آتیان تعلق تخوک آ بندغ آتا پبی بشخ ہلنگ و سکھ برادری تون یکجہتی نا درشانی داہیت انا شاہدی ءِ کہ پاکستان اٹی غٹ ایلم و تین پہ تینی ہم گرنچی نا چاگڑد اٹ ملک انا شونداری و جوڑ جاڑ اٹی تینا بشخ ءِ شاغنگ ءُ۔
