اسلام آباد۔ 06 جنوری (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ پائیدار شونداری نا ہدف آتے ٹی جان جوڑی نا بابت ہدف آتا دوئی کننگ کن پرعزم ءِ، ہدف آتا دوئی کننگ ءِ پک کننگ کن سلاہ و سوج آتیا عملدرآمد ءِ پک کینہ، دا ہدف آتے دوئی کننگ کن پوسکن آ وڑوڈول آتے اٹ کاریم کننگ نا گرج ءِ، ایلو سیکٹر آتون اوار کاریم کروئی مریک۔ نیوٹریشن نا مون ءِ توننگ ننا اولیت آتے ٹی اوار ءِ۔ داخیال آتا درشانی ءِ او دوشنبے نادے آ پائیدار شونداری نا ہدف آتا دوئی کننگ آ دود آن تران کرسا کرے۔ خصوصی کمکار پارے کہ جان جوڑی نا پائیدار شونداری نا ہدف آتا دوئی کننگ نا بابت پرعزم اُن۔ ہدف آتا دوئی کننگ ءِ پک کننگ کن حکومتی سلاہ و سوج آتیا عملدرآمد ءِ پک کینہ۔ اوپارے کہ دا ہدف آتا دوئی کننگ کن پوسکن آ وڑوڈول اٹ کاریم کننگ نا گرج ءِ۔ ایلو سیکٹر تون اوار ی اٹ کاریم کروئی مریک۔ ڈاکٹر ظفر مرزا پارے کہ نیوٹریشن نا مون ءِ توننگ ننا اولیت آتے ٹی اوار ءِ۔ 40 درسد چناپست قد انا گواچی ءُ۔ اوپارے کہ سٹنٹنگ بھلو اہم ءُ ویل اسے دانا اواری اٹ مون ءِ توروئی مریک۔ پاکستان نا تاریخ غٹ آن بھلا پروجیکٹ ءِ اتنگ ءِ۔ اومستی پارے کہ دا پروگرام نا مالیت 500 بلین ءِ۔ ہیلتھ انا بشخ ننا اولیت ءِ۔ اوپارے کہ 69 لکھ خاہوت ءِ ہیلتھ انشورنس تسونن۔ یونیورسل ہیلتھ کوریج ءِ پک کننگ اُن۔ ڈاکٹر ظفر مرزا پارے کہ 15ملین خاہوت ءِ ہیلتھ انشورنس تننگ نا ہدف ءِ۔ 300 بھلا ہسپتال آتے ٹی دا آسراتی درمان نا دوئی ءُ۔ معذور بندغ آتے ہم ہیلتھ کارڈ تسونن۔ اوپارے کہ نزور و نادار تپہ غاتے معاشی رکھ تننگ اُن۔ حکومت تینا ویژن ءِ اولیت بنداو تیا پک کننگ ءِ۔ خواجہ سرا تے ہم ہیلتھ کارڈ انا کمک اٹ معاشی رکھ فراوان کننگانے۔
