اسلام آباد۔ 06جنوری (اے پی پی) وزیراعظم نا خصوصی کمکار سمندر پار پاکستانیز سید ذوالفقار عباس بخاری پاکستانی نژاد امریکی جان جوڑی نا چاہندار آتا پاکستان اٹی فارما سیوٹیکل سیکٹر اٹی زرکاری نا است خواہی ءِ بخیر اٹ پارینے، اوفتے غٹ ممکن آسراتی فراوان کننگک۔ وزارت سمندر پار پاکستانیز نا رداٹ اِرا پاکستانی نژاد امریکی ڈاکٹر و یو ایس ایڈ نا نمائندہ دوشنبے نادے آ دا چرجوئی ٹی خصوصی کمکار تون اونا آفس اٹی اوڑدہی کریر۔ دا اوڑدہی ٹی خصوصی کمکار و ڈل انا نیام اٹ پاکستان اٹی زرکاری نا بابت گپ و تران مس۔ ڈل پاکستان نا شار چکوال اٹی فارما سیوٹیکل فیکٹری اس خلنگ نا بابت تینا است خواہی نا درشانی ءِ کرے ہراڑا زلفی بخاری اوفتے غٹ ممکن آسراتی تا فراوانی ٹی کمکاری نا باوری کرفے۔
