اسلام آباد۔ 06جنوری (اے پی پی) وزیر مملکت موسمیاتی بدلی زرتاج گل پارینے کہ اونا وزارت رنگ ءِ پیہن کروک آ کریم، ایلو گڑاتے ٹی پارہ نا کاریم اٹ اتنگ ءِ کم کننگ کن کانود اس جوڑ کننگ اٹی ءِ۔ دوشنبے نادے آ تینا ٹویٹ اٹی زرتاج گل پارے کہ کنے یخین ءِ کہ مست آنبار داوار آ ہم میڈیا و الس نا پبی تفنگ دوئی مریک۔ کنا وزارت رنگ ءِ پیہن کروک آ کریم، ایلو گڑاتے ٹی پارہ ہرانا تخوک آ حد آن زیات کاریم اٹ اتنگ جان جوڑی کن نسخان ءِ، نا کاریم اٹ اتنگ ءِ کم کننگ آ کانودسازی اس کننگ اٹی ءِ۔ پاکستان مینا ماٹا کنونشن آ دستخط کرینے و دا معاہدہ نا رداٹ ملک اٹی جان جوڑی نا بشخ و ایلو صنعت آتے ٹی پارہ نا کاریم اٹ اتنگ نا بابت کانودسازی نا پابند ءُ۔
