ننکانہ صاحب ۔ 5 جنوری (اے پی پی)بنجاہی تہی کارانی وزیر اعجاز احمد شاہ ءَ گوشت کہ ننکانہ صاھب ءِ تہ اپسوزناکیں واکیہ ملکی سالمیت ءُُ بھائی چارہ ءِ دژمنانی ردیں پندل انت،واکیہ ءِ دراھیں کردارءَ را سزا دیگ بہ بیت۔میاں اوستمانی میڈیا ءِ تہ واکیہ ءَ را سیاق ءُُ سباق ءِ ردا پیش کنگ مہ بوھگ انت۔آں یک شمبے ءَ صوبائی وزیر ہاؤسنگ میاں محمودالرشید ءُُ پارلیمانی سیکرٹری سردار مہندر پال سنگھ ءِ ہمبراہی ءَ گوردوارہ جنم استھان ءِ تہ میڈیا ءَ گوں گپ ءُُ تران کنگ ات۔اے موہ ءِ سرا سکھ کمیونٹی ءِ راھشون ھم ساڑی اتنت۔بنجاہی وزیر اعجاز شاہ ءَ گوشت کہ سکھ کمیونٹی ءِ وشی ءِ تہ بھرزورگ منی ھاترا وش بہتی انت۔آہاں گوشت کہ مزن وزیر ءِ پنت ءُُ شون ءِ ردا ادا اتکگ اون،ننکانہ صاحب بین المذاہب ہم آہنگی ءِ گہتریں مثال انت۔ادا یک اپسوز ناکیں واکیہ پیش آتکگ ءُُ ملکی سالمیت ءُُ بھائی بندی ءِ دژمنانی پندل انت۔بنجاہی وزیر ءَ گوشت کہ میاں اوستمانی میڈیا ءِ تہ واکیہ ءَ را راستی ءَ چہ الٹ پیش کنگ بوھگ انت۔آہاں گوشت کہ واکیہ ءِ مقدمہ شنگ بوتگ،حکومت واقعہءِ دراھیں مردماں را سزا دات۔آہاں گوشت کہ غیرریاستی ادارگ ملکی امن ھراب کنگ لوٹگ انت۔ صوبائی وزیر میاں محمود الرشیدءَ گوشت کہ واکیہ ءِ سرا سر وزیر پنجاب ءَ را ھم اپسوز انت۔ پارلیمانی سیکرٹری اقلیتی امورو انسانی حقوق ءَ گوشت کہ اظہار یکجہتی کنگ حکومت پاکستان ءُُ پنجاب حکومت ءِ منت وار انت،پاکستان ءِ تہ دراھیں منارٹیز ءَ را سرجم مذہبی آجوئی انت۔
