اسلام آباد۔05جنوری(اے پی پی) دری معاملہانی بنجاہی وزیر شاہ محمود قریشی ءَ گوشت کہ اقوام عالم ءِ کشمیریاں گوں کتگیں اے قول ءَ را مروچی 71 سال گوستگ انت ایشی ءِ ردا جموں ءُُ کشمیر ءِ جیڈھ ءِ حل ءِ ھاترا اقوام متحدہ ءِ نگہوانی ءِ تہ آہاں را حق استصواب رائے دیگ بوھگ ات،اقوام متحدہ ءَ آزاتیں،غیرجانبدارانہ وڈ ءَ کشمیریءَ را وتی باندات ءِ پیسلہ کنگ ءِ واک دیگ ءِ منگ نامہ ءِ وسیلگ ءَ کشمیریاں را حق استصواب رائے دیگ بہ بیت،حق خودارادیت ءِ موہ ءِ سرا وتی کلوھ ءِ تہ آہاں گوشت کہ اے ہما حق انت کہ ہمہ دگہ دراھیں بنیاتی حقانی ءُُ آجوئی ءِ سرچشمہ انت۔اپسوزناکیں گپ ایش انت کہ اے حق تنیگہ آہاں را نہ رستگ بلکہ آہاں را بھارت ءِ زیر قوضہ جموں ءُُ کشمیر ءِ تہ بدتریں جیڈھ،زلم ءُُ زوراکی ءُُ ناقابل بیان جبر ءُُ استبداد ءِ دیما انت۔ھپت دھک گوزگ ءِ ابید ہمک روچ کشمیریانی بنیاتی انسانی شرپ پادمال بوھگ انت۔اقوام متحدہ ھاسکر سلامتی کونسل ءِ زمہ واری انت کہ کشمیریاں گوں آہانی استصواب رائے ءِ حق دیگ ءِ قول سرجم کنگ بہ بیت۔ 5 اگست 2019 ءِ بھارت ءِ درکانودی ءُُ یک نیمگی گامانی مکسد بھارت ءِ زیر قوضہ جموں ءُُ کشمیر ءِ تہ آباتی ءِ تناسب ءَ را بدل کنگی انت۔اے ردیں ارادہ ءَ ھوار بھارتی درکانودی گاماں چہ دگنیا رد کتگ۔زوربرتگیں کشمیر ءِ تہ بھارت ءِ زلم ءُُ زوراکی ءِ ہر روچ نوکیں حد ءَ پارکنگ انت۔ کشمیریانی لاک ڈاون ءُُ محاصرہ ءَ را 153روچ گوستگ ات۔کرفیو کلاک ءِ تہ یک لمحہ دگنیا ءِ ضمیر ءِ سرا بار انت۔میاں اوستمانی براتری ءَ را کشمیریانی بنیاتی حقانی ءُُ آجوئی ءِ پلہ مرزی کنگی بیت ءُُ بھارت ءِ سرا زور دیگ بہ بیت کہ اقوام متحدہ ءِ راستی ءِ پٹ ءُُ پول ءِ ھاترا مشن ءَ را وتی زیر قوضہ جموں ءُُ کشمیر روگ ءِ اجازت ءَ دات تنکہ اودا بیوکیں انسانی حقانی پادمالی آنی آں وت جائزگ ءَ گرانت۔ بھارت اقوام متحدہ ءِ فوجی مبصر گروپ برائے پاکستان ءُُ بھارت ءِ زیر قوضہ جمون ءُُ کشمیر ءَ روگ ءِ موکل ءَ دات تاکہ آں وت جاورھال ءِ گیشینگ ءَ وتی فرض ءَ پیلو کن انت۔ بھارت ءِ دست اگہ ساپ انت تو آں ہچ چیر دیگ نہ لوٹگ انت تو گڈ امیاں اوستمانی میڈیا ءُُ سول سوسائیٹی ءَ را بھارت ءِ زیر قوضہ کشمیر ءَ روگ ءِ موکل دیگ بہ بیت تنکہ غیر جانبدار میڈیا ءُُ دگنیا مقبوضہ کشمیر ءِ تہ انسانی حقءَ را راستیں جاورھال ءَ را وتی چماں چار انت۔من مروچیگیں روچ ءِ درگت ءَ پاکستان ءِ نیمگا چہ یک رندءَ پدا دلیریں کشمیری ءَ را سدکی دیگ انت کہ وھدیکہ اقوام متحدہ ءِ سلامتی کونسل ءِ منگ نامہ ءِ ردا آہاں را حق خود ارادیت ءِ حق نہ رسیت،پاکستان آہانی سیاسی،سفارتی ءُُ اخلاقی پلہ مرزی برجاہ ادارایت۔
