اسلام آباد۔ 4 جنوری (اے پی پی)مزن وزیر عمران خان ءَ گوشت کہ ماڈل پولیس اسٹیشن سرجمیں پنجاب ءِ ھاترا مثال بہ بنت،مہ پنجاب ءِ تہ تھانہ کلچر ءَ را بدل کناں اے ھاترا آئی جی پنجاب ءَ را حکومت ءِ نیمگا چہ ہمک ممکن کمک پھجارگ بہ بیت۔انگریز ءِ وھد ءِ نظام بدل کنگی انت،گوست ءَ تھانہ کلچر ءَ را وتی سیاسی مخالفین ءِ ھلاپ ءَ کارمرز کنگ بوتگ بلے مہ پنجاب پولیس ءَ را خیبرپختونخوا ءِ وڈ ءَ جوڈ کنیں تنکہ مردمانی اعتماد بحال بہ بیت۔ھپتگ ءَ میانوالی ءِ تہ ماڈل پولیس اسٹیشن ءِ بنداتی ءِ موہ ءِ سرا مزن وزیر ءَ گوشت کہ اے ماڈل پولیس اسٹیشن ءِ ہڈ دیگ ءِ سرا آں محکمہ پولیس ءَ را خراج عقیدت پیش کنگ انت۔وھدیکہ پولیس اسٹیشن ءِ تہ کسے پترگ انت تو آئی ءَ را اے وڈیں ماحول ءِ رسیت تو آں پولیس ءَ را وتی دوست سمجھ ایت پرچا کہ پویس اسٹیشن ءِ تہ ہما مردم پترگ ات کہ آں جنجالءِ آماچ بوھگ انت،ہمکتر کہ پولیس اسٹیشن ءِ سرا مہلوک ءَ را اعتماد رسیت ایشی ءِ مطلب ایش انت کہ ملک باج برگ انت۔آہاں گوشت کہ اگہ پولیس شریں کار کن ایت تو ملکی تقدیر بدل بوھگ انت،2002ءِ تہ وھدیکہ من اولی رند ءَ میاں والی ءَ چہ راجی اسمبلی ءِ باسک گچین بوتگ ات تو ہما پنچ سالءَ وھدیکہ من حلقہ ءِ تہ شتگ ات تو اودا دراھ ءَ چہ مستریں جیڈھ تھانہ کچہری ات ءُُ دراھ ءَ چہ گیش دزبندی ھم اے ھوالہ چہ آھگ ات،دروگیں ایف آئی آر شنگ بوھگ ات،ہما وھد ءَ سیاستدان تھانہ کچہریاں را کنٹرول کنگ ات،اے گام ءَ آں شریں کارءِ ھاترا نہ بلکہ وتی مخالفءِ مردمانی ھاترا تھانہ ءَ را کارمرز کنگ ات،وتی دل دوست ءِ ایس ایچ او تعینات کنان ءَ مخالفءَ را ترس دیگ بوھگ ات اے ھاترا پولیس ءِ سرا اعتماد نیست ات،مزن وزیر ءَ گوشت کہ ماڈل پولیس اسٹیشن نوکیں سوچ ءِ بنداتی انت،نوکیں پاکستان ءِ مطلب نوکیں سوچ انت،تھانہ کچہری ءُُ پٹواری ءِ سوچ ءَ مئے ملک ءَ را ھلاس کتگ ات۔آہاں گوشت کہ ماڈرن پولیس اسٹیشن ءِ سرا مہلوک ءَ را سفارش ءِ ابید میرٹ ءِ سرا کار بہ بنت اے یک شریں کار انت۔اے ماڈل پولیس اسٹیشن سرجمیں پنجاب ءِ ھاترا مثال جوڈ بیت۔مزن وزیر ءَ گوشت کہ آں پنجاب پولیس ءَ را خیبرپختونخوا پولیس ءِ وڈ ءَ گندگ لوٹگ انت۔2013ء ءِ تہ وھدیکہ من خیبر پختونخوا ءِ تہ حاکمی سمبھالتگ تو ہما وھد ءَ صوبہ ناشرکاریءِ آماچ ات،اے ھاترا پولیس ءِ مورال باز جہل کپتگ ات، مہ پولیس ءِ مورال برز کتگ، میرٹ آرتگ انت،بھرتیانی ھاترا این ٹی ایس دیما آرتگ ایشی ءِ پدا مہلوک ءِ نیمگا چہ پولیس ءِ حق ءَ روانک کشگ بوھگ ات،من پنجاب ءِ تہ ھم اے رنگیں جاورھال ءَ گندگ لوٹگاں،آہاں گوشت کہ آئی جی پنجاب ءَ را سرپد کنان ءَ گوشت کہ اے یک مزنیں چیلنج انت،30سال ءِ گڈ گورننس ءَ چہ ردیں عادت برز بوھگ ات، انگریزءِ دور ءِ نظام شر نیست انت،مارءَ اے بدل کنگی انت،دراھیں پنجاب لہتیں سال ءَ مئے پولیس ءِ گوما اوشت ایت،مزن وزیر ءَ گوشت کہ اگہ یک رندے ارادہ کنگ بہ بیت تو کجام کارءِ گران نہ بیت،من سر وزیر پنجاب ءَ گوں صلاح کتگ کہ دوئیں حکومت آئی جی پنجاب ءَ را کمک ءَ پھجارانت،فنڈزھم دیگ بہ بنتءُُ جیڈھ ھم حل بہ بنت۔
