اسلام آباد۔04جنوری (اے پی پی) چیف آف دی نیول اسٹاف ایڈمرل ظفر محمود عباسی ءَ گوشت کہ نوکتریں اوزاراں چہ لیس بحری آپریشنز ءِ بود ایرکنوکیں ائیر کرافٹس ءِ نیول فلیٹ ءِ ھوار بوھگ چہ پاک بحریہ ءِ بود ءِ تہ ودکی کائیت،ان ائیر کرافٹس ءِ بھرزوری ءَ چہ اسپیشل فورسز ءِ آپریشنز ءَ را ھم گیش پراھی بہ بیت۔ھپتگ ءَ پاک بحریہ ءِ ربالکار ءِ نیمگا چہ جاڑی بیان ءِ ردا پاک بحریہ ءِ تہ نوکیں گواتی مڈیانی بھرزوری ءِ مراگش ءِ برجم داری کنگ بوتگ، مراگش ءِ تپ مزنیں ٹیکنیکل میری ٹائم پیٹرول ایئرکرافٹس ءُُ آٹومیٹک ڈرونز ءَ را گواتی فلیٹ ءِ تہ ھوار کتگ۔ربالکار پاک بحریہ ءِ گوشگ ءِ ردا چیف آف دی نیول اسٹاف ایڈمرل ظفر محمود عباسی مراگش ءِ ھاسیں مہمان ات۔چیف آف دی نیول اسٹافءَ مراگش ءِ تہ گشتانک کنان ءَ گوشت کہ نوکتریں اوزاراں گوں لیس بحری آپریشنز ءِ صلاحیت داروکیں ایئر کرافٹس ءِ نیول فلیٹ ءِ تہ شمولیت ءَ گوں پاک بحریہ ءِ بود ءِ تہ ودکی بوتگ، اے ائیر کرافٹس ءِ بھرزوری ءَ گوں اسپیشل فورسز ءِ آپریشنز ءَ را ھم ودک پراھی رسیت۔ربالکارءِ گوشگ ءِ ردا نیول چیف ءَ گرابانی کارندہاں را اے نوکتریں پلیٹ فارمز ءَ چہ چکاریں نپ چست کنگ ءُُ ملکی بحری دفاع ءِ تہ ھاسیں کرد ادا کنگ ءِ پنت داتگ۔نیول چیف ءَ گوشے کہ پلوامہ اُرش ءِ پدا نگیگیں جاورھال ءِ تہ پاکستان نیول ایوی ایشن ءَ بھارتی آبدوز ءِ پولان ءَ راج سرگ برز کتگ۔مراگش ءِ تہ سرکاری ادارگ ءُُ پاک بحریہ ءِ مزنیں واکداراں بھر زوری کتگ ات۔
