اسلام آباد۔04جنوری (اے پی پی)مزن وزیر ءِ ھاسیں کمکار برائے ھالرسانی ءُُ شنگکاری ڈاکٹر فردوس عاشق اعوان ءَ گوشت کہ مزن وزیر عمران خان ءِ راھشونی ءِ تہ پاکستان قائد اعظم ءِ وژن ءِ عملی عکس جوڈ بوھگ انت،کرتارپور راہداری بین المذاہب ہم آہنگی ءِ پدریں مثال ءُُ پاکستان ءِ امن ءِ پیامبر بوھگ دلیل انت،سیکولرازم ءِ نام ءَ جوڈ بیوکیں بھارت مروچی ساڑ ءِ آس ءِ تہ سچگ انت،گاندھی ءُُ نہرو ءِ ہندوستان ھلاس بوھگ انتءُُ ہندتوا ستان” ءِ تہ اقلیتءَ را بدتریں لٹ ءُُ کٹ ءُُ زلم ءُُ زورکی ءِ نشانگ جوڈ کنگ بوھگ انت۔ہفتہ ءَ ٹویٹر ءِ سرا جاڑی وتی کلوھ ءِ تہ ڈاکٹر فردوس عاشق اعوان ءَ گوشت کہ پاکستان دراھیں پاکستانیانی یک وڈیں وتن انت،عمران خان ءِ راھشونی ءِ تہ پاکستان قائد اعظم ءِ وژن ءِ عملی عکس جوڈ بوھگ انت۔رنگ و نسل ءُُ مذہب ءِ ہچ پرک نیست انت۔ملک ءِ دراھیں اقلیت ءَ را پاکستان ءِ گوما مہر ءُُ محبت انت۔آہانی حق محفوظ انت۔پاکستان ءِ تہ دراھیں اقلیت ءَ را وتی مذہ ب ءِ ردا زنف گوازینگ ءِ حق انت۔آئین پاکستان آہانی حقانی ضامن انت۔اسلام دراھیں مذہب آنی شرپ ءَ را الم گوشگ انت۔راجی بیرک ءِ سپید ءِ رنگ آہانی نماھندگی کنگ انت۔کرتارپور راہداری بین المذاہب ہم آہنگی ءِ پدریں مثال ءُُ پاکستان ءِ امن ءِ پیامبر بوھگ ءِ دلیل انت۔سیکولرازم ءِ نام ءِ سرا جوڈ بیوکیں بھارت مروچی ساڑ ءِ آس ءِ تہ سوشگ انت۔بھارت ءِ تہ اقلیت زہرشانی کنگ انت۔این آر سی ءُُ بھارتی شہریت ءِ متعصبانہ امتیازی ءُُُ ساڑ ءَ ھوار گاماں چہ اقلیت ءَ را آہانی شہریت ءِ بنیاتی حق ءَ چہ زبہر ایر کنگ بوھگ انت۔بھارتی چاگردءِ سرا ہندو ازم ءِ غلبہ انت۔ گاندھی ءُُ نہرو ءِ ہندوستان پروشان ءَ گندگ ءَ آھگ انت ءُُ “ہندتوا ستان” ءِ تہ مینارٹیز ءِ سرا سکیں لٹ ءُُ کٹ ءُ زلم ءُُ زوراکی ءِ نشانگ جوڈ کنگ بوھگ انت۔
