اسلام آباد ۔ 3 جنوری (اے پی پی) مزن وزیر ءِ ھاسیں کمکار برائے چاگردی رکھینگ ءُُ گریبی ڈاکٹر ثانیہ نشتر ءَ خیبر پختونخوا ءِ زالبولیں صوبائی اسمبلی ءِ دھ باسکی ڈل ءَ گند ءُُ نند کت، ایشانی ءِ سروکی ءَ نفیسہ عنایت اللہ خٹک کنگ ءَ ات ۔ ڈل ءِ تہ ءَ عائشہ نعیم، رابیعہ بصری، زینت بی بی، مدیحہ نثار، ماریہ فاطمہ، ساجدہ حنیف، ڈاکٹر آسیہ اسد، عائشہ بانو، آسیہ خٹک ءُُ ڈاکٹر سمیرا شمس ساڑی اتنت ۔ مزن وزیر ءِ ھاسیں کمکار برائے چاگردی رکھینگ ءُُ گریبی ءِ ھلاس کنگ ءِ پڑ ءَ کمکار ڈاکٹر ثانیہ نشتر ءُُ سیکرٹری علی رضا بھٹا ءَ صوبائی اسمبلی ءِ زالبولیں باسک آنی ڈل ءَ گوں مزن وزیر ءِ ’’احساس‘‘ پروگرام ءِ ھوالگ ءَ بریفنگ دات ۔ اے بریفنگ ءِ مول ءُُ مراد خیبر پختونخوا ءِ صوبائی اسمبلی ءِ باسک آناں احساس پروگرام ءِ منصوبگ ءُُ گامگیج آنی ھوالگ ءَ سرپد کنگ ات تانکہ خیبر پختونخوا ءِ صوبائی حکومت ءِ گوما ارزشتی ایں گامگیج آنی پد ءَ وت مہ وتی کمک آنی ھوالگ ءَ کار کنگ بہ بیت ۔ آواں احساس پروگرام ءِ واستہ وتی سرج میں کمک ءُُ کمکار بوھگ ءِ دل یکیمی دات اے پروگرام ءِ سیت آناں بزگیں مردم آناں تاں سر کنگ بہ بنت ۔
