فیصل آباد ۔ 3 جنوری (اے پی پی) مزن وزیر عمران خان ءَ آدینگ ءِ روچ ءَ جنرل بس سٹینڈ فیصل آباد ءَ جوڑی کتگیں پناہ گاہ ءِ بنگیج ءِ موہ ءَ پناہ گاہ ءِ پشگاہ ءَ نہال ءِ کشت وھدیکہ اے موہ ءِ سر ءَ سر وزیر پنجاپ سردار عثمان بزدار، مدینہ گروپ آف انڈسٹریز ءِ چیف ایگزیکٹو میاں محمد حنیف ءُُ ایندگر کارندہ آئی ءِ ھمبراھ اتنت ۔ جنرل بس سٹینڈ ءِ سر ء ۔ جوڑ کتگیں پناہ گاہ کم شیلٹر ہوم ءِ سرجمی ءَ چہ 3کروڑ 50لکھ کلدار ءِ کساس اتکگ وھدیکہ 4کنال 3مرلہ ءِ دراج ءُُ پراھیں اے پناہ گاہ ءَ 700مردم ءِ گنجاشک ءَ ابید ادا 400نپاد پچ کنگ بوتگ ۔ پناہ گاہ ءَ سئے ٹوھیں ہال جوڑ کنگ بوتگ ایشانی تہ ءَ یک ءِ زالبول آنی واستہ گیشینگ بوتگ ایشی ءَ ابید زالبول ءُُ مردم آنی واستہ دو جتا جتائیں عبادت ءِ جاہ گیشینگ بوتگ ۔ دو جتا جتائیں ڈائننگ ہال، دو 9,9 واش رومز ، یک چُلے، یک منیجر کارگس، دو مردین آدم ءُُ زالبول سیکورٹی کارگس جوڑ کنگ بوتگ ۔ آ ایشی ءَ ابید پناہ گاہ آنی یوٹیلٹی بلز ءُُ ایندگر ھرچ ءُُ درچ ءَ ابید ناشتہ، نیم روچ ءِ ورگ ءُُ شپ ءِ شام ءِ بست ءُُ بند مدینہ گروپ آف انڈسٹری ءِ کمک ءَ چہ دیگ بیت ۔
