فیصل آباد ۔ 3 جنوری (اے پی پی) مزن وزیر عمران خان ءَ آدینگ ءِ روچ ءَ جنرل بس اسٹینڈ فیصل آباد ءَ جوڑیشت کنگ بوتگ ایشی ءِ تہ ءَ نوکیں ٹیکنالوجی کارمرد کنگ بوتگ ، پناہ گاہ ءِ بنگیج کت وھدیکہ اے موہ ءِ سر ءَ ریاست ءِ مدینہ ءِ ھوالگ ءَ سادگی ءِ درور ءِ نکش کنان ءَ پناہ گاہ ءَ استیں مردم آنی گوما ورگ وار ت، پناہ گاہ ءِ انتظامی آنی ھوالگ ءَ منگ نامہ آنی سر ءَ یاتگیری دست چنگل جنگ بوت ۔ مزن وزیر سر وزیر عثمان بزدار ءِ ھمبراھی ءَ جنرل بس سٹینڈ ءَ اتک اے موہ ءِ سر ءَ مدینہ گروپ آف انڈسٹریز ءِ چیف ایگزیکٹیو میاں محمد حنیف، کشنر فیصل آباد عشرت علی، ریجنل پولیس آفیسر رفعت مختار راجہ ، ڈپٹی کمشنر محمد علی، سی پی او سہیل چوہدری، بنجاھی پارلیمانی سیکرٹری ریلوے میاں فرخ حبیب، راجی ءُُ صوبائی اسمبلی ءِ بازیں ممبر آں استیں پناہ گاہ آنی بابت ءَ بریفنگ دیگ بوت ۔ اے موہ ءِ سر ءَ پناہ گاہ ءِ جوڑیشت ءِ بنگیجکار نامداریں صنعتکار مدینہ گروپ آف انڈسٹریز اینڈ مدینہ یونیورسٹی ءِ چیف ایگزیکٹو میاں محمد حنیف ءَ مزن وزیر ءُُ سر وزیر ءَ را بریفنگ دات ءُُ گوشت کہ جنرل بس سٹینڈ فیصل آباد ءَ جوڑ کتگیں پناہ گاہ آنی تہءَ نندوکیں بے لوگیں مردم ءُُ مساپر آناں شپ ءِ گوازینگ ءِ واستہ نندگ ءُُ نوشگ ءَ را گہتریں آسراتی پجارینگ بیت وھدیکہ پناہ گاہ آنی تہ ءَ نندوکیں مردم بے گس ءُُ بے ٹھکانہ انت ، اے بے کسیں مردم سردی ءَ ادا نیم روچ ءُُ شپ ءِ شام ءُُ سہب ءِ ناشتہ ایشاناں رسیتت، ایشی ءَ چہ ابید 3کروڑ کلدار ءِ کساس ءَ جوڑ کتگیں پناہ گاہ کم شیلٹر ہوم آنی گوما مسیت، لائبریری، باتھ روم ، واش روم ھم جوڑ کنگ بیت ۔ آئی ءَ گوشت کہ فیصل آباد پولیس ءِ کمک ءَ چہ پناہ گاہ ءُُ شیلٹر ہوم ءِ رکھینگ ءُُ سیکورٹی ءِ واستہ فول پروف انتظامی آناں دل یکیمی جوڑ کنگ بوتگ تانکہ ادا نندوکیں مردم آناں جوانیں رنگ ءَ شپ ءَ گوزینت بکن اَنت ۔ آئی ءَ گوشت کہ شیلٹر ہوم آناں جوانیں رنگ ءَ چلائینگ ءِ واستہ ضلوری ایں سٹاف ھم دارگ بوتگ ۔ اے موہ ءِ سر ءَ مدینہ گروپ آف انڈسٹریز ءُُ ڈسٹرکٹ ایڈمنسٹریشن ءِ نیام ءَ یک وت مہ وتی منگ نامہ ءِ سر ءَ دست چنگل جنگ بوت ایشی ءِ چیر دستی ءَ دوئیں ادارگ یکجائی ءَ پناہ گاہ آنی ڈسپلین ءَ را مھکم دار انت ۔
