سبی نا خڑک قومی شاہراہ غا روڈ شکست ، اسہ بندغ اس زوال وخت اس کہ ایڈیشنل ڈپٹی کمشنر تون اوار ہفت بندغ ٹھپی

کوءٹہ ۔ 03جنوری (اے پی پی) سبی نا خڑک قومی شاہراہ غا روڈ شکست ، اسہ بندغ اس زوال وخت اس کہ ایڈیشنل ڈپٹی کمشنر تون اوار ہفت بندغ ٹھپی مسنو، ٹھپی آفیسر تینا خاہوت تون اوار کوءٹہ غان سبی آ ہناکہ ہراڑے موٹرسائیکل سوار ءِ بچفسا اونا گاڈی شکست نا گواچی مس ، لیویز کمامدارآتارداٹ ٹھپی تیٹی ایڈیشنل ڈپٹی کمشنر سبی ملک عباس اونا اسہ مار و اسہ مسڑ اس و اِرا گن مین اوار ءُ ہرافتے دمدستی وڑاٹ طبی امداد نا فراوانی کن سی ایم ایچ و سول ہسپتال سبی آ مون تننگانے بنائی حوال آتار داٹ ٹھپی مروک آتے ٹی اسہ بندغ اس زوال کرینے وخت اس کہ شکست اٹی ٹھپی مروک آ ایڈیشنل ڈپٹی کمشنر سبی و اونا اسہ گن مین اسے نا حالیت نازرک پاننگ انگ ءِ ، واقعہ نا حوال ملنگ تون ڈپٹی کمشنر سبی سید زاہد شاہ ، اسسٹنٹ کمشنر سبی منیر احمد سومرو ، ڈپٹی ڈائریکٹر راجی آسراتی میر دین محمد مری، ڈسٹرکٹ ہیلتھ آفیسر ڈاکٹر اکبر سولنگی تون اوار ضلعی آفیسر آک سی ایم ایچ آ رسینگار ہراڑے اوفک زہمی خاہوت ءِ طبی امداد نا فراوانی نا جاچ ءِ ہلکر ۔