وزیراعظم عمران خان زرگزران نا ٹیک آف ، نوکری تا فراوانی و ملک ءِ فلاحی ریاست اس جوڑ کننگ نا کنڈا پیش رفت نا پڑو ءِ کرسا الس نا اومیت آتے ودفینے، میاں زاہد حسین نا بزنس کمیونٹی تون گپ وتران

اسلام آباد ۔ 03جنوری (اے پی پی) پاکستان بزنس مین اینڈ انٹلیکچولز فورم و آل کراچی انڈسٹریل الائنس نا صدر میاں زاہد حسین پارینے کہ وزیراعظم عمران خان اینخو نا سال اٹی زرگزران نا ٹیک آف، نوکری تا فراوانی و ملک ءِ فلاحی ریاست اس جوڑ کننگ نا کنڈا پیش رفت نا پڑو ءِ کرسا الس نا اومیت آتے ودفینے، ہرا ستاکڑزک، وسیلہ غاتا کمتی آن پد ہم حکومت تعلیم و نزور تپہ غاتا راجی آسراتی کن اہم گام گیج کننگ ءِ ہراٹی یوٹیلیٹی اسٹور آتیا اڑزان گڑاتا فراوانی کن 6 ارب روپئی جتا کننگ، انصاف کارڈ، لنگر و ہند آتا جوڑ کننگ و ایلو گام گیج آک اوار ءُ ہراڑان اونا سہی کنڈانا معلوم مریک ۔ جمعہ نادے آ داڑے بزنس کمیونٹی تون گپ و تران اٹی اوپارے کہ تدوک آ سال انا سخت اقتصادی گام گیج آتیان الس و کاروباری سرجزآک زہمی مسنو ہرافتا بحالی کن کاریم کننگ نا گرج ءِ تانکہ شونداری و شونہالی نا تغ پورو مرے ۔ اوپارے کہ یوٹیلیٹی اسٹور آتیا سبسڈی ٹی ودکی نا فیصلہ ستاکڑزک ۔ اوپارے کہ غٹ تپہ غاتا پت ءِ بحال کروئی مریک تانکہ پاکستان سوگو زرگزران نا حامل اسہ فلاحی اس مننگ کے ۔