اسلام آباد ۔ 03جنوری (اے پی پی) بنجائی وزیر ہوابازی غلام سرور خان پارینے کہ پاکستان تحریک انصاف نا حکومت تینا آئینی مدءِ پورو کیک انتئے کہ او سیاسی و معاشی سوگوی اتنگ کن ملکی فائدہ غاتے کن آخبتی وڑاٹ کاریم کننگ ءِ ۔ داخیال آتا درشانی ءِ او جمعہ نادے آ اسہ بیان اسے ٹی کرے ۔ اوپارے کہ وزیراعظم عمران خان نا متحرک کماشی ٹی ساڑی حکومت نا گچین حکمرانی نا پالیسی تا سوب آن ملک شونداری و شونہالی نا کنڈا ہِننگ ءِ ۔ بنجائی وزیر پارے کہ حکومت اولیکو دے آن تینا وعدہ غاتون پرعزم ءِ کہ لٹ و پل کروک قومی خزانہ نا بازیابی کن بدعنوان و لٹ وپل کروک آتا برخلاف جوابدہی عمل اٹ اتنگک ہرا ملک و الس نا راجی آسراتی و شونداری کن کاریم اٹ اتنگرہ ۔ اسہ سوج اسے نا ورندی ٹی اوپارے کہ ساڑی حکومت قومی اسمبلی آن آرمی ایکٹ ترمیمی بل ءِ امنائی وڑاٹ منظور کرفک ۔ اومستی پارے کہ چیف آف آرمی اسٹاف (سی او اے ایس) جنرل قمر جاوید باجوہ نا ملازمت نا مد اٹی ودکی آ امنائی سلاہ ودی کننگ قومی فائدہ غاتے ٹی ئس ۔
