اسلام آباد۔ 17 فروری (اے پی پی) محکمہ موسمیات (اینو) ہفتہ و یک شنبے نا دے آن اسلام آباد، بڑزکو پنجاب تون اوار ملک انا کیہی علاقہ غاتیٹی پر و مش تیا برف باری نا پیشن گوئی کرینے۔ رپورٹ نا رداٹ بروک آ 24گھنٹہ ٹی خیبر پختونخواہ، فاٹا، گلگت بلتستان ، کشمیر ، کوئٹہ، ژوب و قلات ڈویژن اٹی جاگہ جاگہ ہورہ و گروک تون پر و مش تیا برف باری نا گمان ئِ۔ محکمہ موسمیات نا رپورٹ نا رداٹ گدرینگوک آ 24گھنٹہ ٹی ملک انا گیشتر علاقہ غاتیٹی موسم یخ و خشک سلیس ولے مالاکنڈ ڈویژن و گلگت بلتستان اٹی گڑاس ہند آتیا پر و مش تیا برف باری مس۔ کالام اٹی 6ملی میٹر، پاراچنار5، میر کھانی 4، چترال 2، بگروٹ6، ہنزہ 5، گوپس 2 و گلگت اٹی اسہ ملی میٹر پر و خت اس کہ استور اٹی اسہ انچ برف باری ریکارڈ کننگا۔
