اسلام آباد ۔ 03جنوری (اے پی پی) چین پاکستان اقتصادی راہداری (سی پیک) ڈٹ انا رداٹ چین سال 2020ء ٹی پاکستان اٹی 1800 پاکستانی تے ٹریننگ تننگ آن بیدس 50 اسکول آتا جوڑ کننگ و اپ گریڈیشن ، 50 ووکیشنل سینٹرز و 30 ہسپتال آتا جوڑ کننگ ءِ پک کیک ۔ سی پیک اتھارٹی نا کمامدارآتارداٹ سال 2019ء پاک چین دوستی و ہڑتوم آ کنڈآتا تعلقداری کن نیک جوڑ مس انتئے کہ وزیراعظم پاکستان عمران خان 2وار چین نا خصوصی دورہ ءِ کرے و 3 وار چینی صدر شی جنگ پنگ تون خصوصی اوڑدہی کرے ۔ دا اوڑدہی ٹی ہڑتوم آ کڑدہ غاک گچین آخبت کن بیلٹ اینڈ روڈ انیشی ایٹو نا چرجوئی ءِ تین پہ تینی رضامندی اٹ مون آ دننگ آ امنا کننگا ۔ چین پاکستان نا سوگوی، علاقائی سلامتی و امن کن ہم کوپہ سلوک ءِ ۔ کیہی چینی کمپنی پاکستان اٹی ٹیکسٹائل پراسیسنگ ، ٹائر مینو فیکچرنگ ، موٹرسائیکل آتا تیاری، کشاری پلانٹس و اسٹیل نا بشخ آتے ٹی زرکاری کرینے ۔ چین و پاکستان 2020ء ٹی دودوربیدہ سرجزآتا مون آ دننگ کن سیکنڈ فورم’’آن لوکل ٹو لوکل کوآپریشن‘‘ اس اڈ ایتک ۔ اینخو سال سی پیک نا اہم ڈٹ آتیا کاریم بناکیک ہراڑان ہندی خلقت ءِ روزگار نا پوسکن ءُ وارخواہی دوبریک و معاشی شونداری ٹی ترندی بریک ۔
