اسلام آباد ۔ 03جنوری (اے پی پی) وزیراعظم نا سلاہکار خزانہ و محصولات ڈاکٹر عبدالحفیظ شیخ پاکستان کن 200 ملین ڈالر نا کمکاری آ متحدہ عرب امارات نا ولی عہد و یو اے ای نا سلہہ بند فوج انا ڈپٹی سپریم کمانڈر شیخ محمد بن زید الہیان نا منت واری ءِ ہرفینے ۔ تدوک آ دے ٹویٹر آ جاری کلہو اٹی او پارے کہ متحدہ عرب امارات نا کمکاری ءِ ملک اٹی چنکا کاروبار نا شونداری آ خڑچ کننگک ۔ اوپارے کہ یو اے ای نا کنڈآن پاکستان نا کمکاری آن ہڑتوم آ ملک آتا نیام اٹ ودوک آ اقتصادی تعلقداری و سنگتی نا عکاسی مریک ۔ متحدہ عرب امارات نا کنڈآ دا کمکاری ءِ خلیفہ فنڈ انٹرپرائز ڈویلپمنٹ نا کمک اٹ کننگک ۔ داکمکاری آن چندی ڈٹ آتے ٹی اختراع ءِ پک کننگ مریک ہراڑان زرگزران شون ہلیک ۔
