وزیراعظم عمران خان علامہ اقبال انڈسٹریل سٹی فیصل آباد نا بنداو ءِ تخا

400 ارب روپئی نا زرکاری نا گمان، 5سال اٹی روزگار نا 3لکھ وارخواہی ودی مریک

فیصل آباد ۔ 03جنوری (اے پی پی) وزیراعظم عمران خان جمعہ نادے آ علامہ اقبال انڈسٹریل سٹی فیصل آباد نا بنداو ءِ تخا ۔ وزیراعظم عمران خان علامہ اقبال انڈسٹریل سٹی ٹی نیال اس ہم خلک ۔ داوخت آ وزیراعظم عمران خان ءِ علامہ اقبال انڈسٹریل سٹی نا بابت حوال تننگا ۔ گورنر پنجاب غلام سرور خان، وزیراعلیٰ پنجاب عثمان بزدار و بنجائی وزیر ڈٹ بندی و شونداری اسد عمر ئسک ہم وزیراعظم تون اوار ئسر ۔ سی پیک صنعتی کمکاری فریم ورک انا رداٹ 9 خصوصی اقتصادی زون جوڑ کننگ انگ ءِ ۔ علامہ اقبال انڈسٹریل سٹی اولیتی خصوصی اقتصادی زون نا بشخ اسے ۔ دا انڈسٹریل سٹی نا چندی بشخ آتے ٹی 400 ارب روپئی نا زرکاری نا گمان ءِ ہراڑان بروک آ 5سال اٹی روزگار نا 3لکھ وارخواہی ودی مریک ۔