اسلام آباد ۔ 3 جنوری (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ نوکیں سال ءِ بنگیج ءَ متحدہ عرب امارات ءِ ولی ءِ زمانگ شیخ محمد زین بن النہان ءِ پاکستان ءِ تر ءُُ تاب دو نیمگی یکوئی آناں گیش مھکمی ءُُ پڑ ءَ پاکستان ءِ گیش ودوکیں ارزشت ءِ آدینک انت، پاکستان تحریک انصاف ءِ زمانگ ءِ حکومت ءَ ولی ءِ زمانگ ءِ دومی تر ءُُ تاب دوئیں ملک آں ی نیام ءَ کوھنیں یکوئی ءُُ مزن وزیر عمران خان ءِ جوانیں ازمکاری آنی سرءَ دل یکیمی انت ۔ آدینگ ءِ روچ ءَ وتی ٹویٹ ءَ ڈاکٹر فردوس عاشق اعوان ءَ گوشت کہ متحدہ عرب امارات ءِ نیمگ ءَ 200ملین ڈالر سپورٹ پاکستان ءُُ یو اے ای ءِ معاشی یکوئی آنی ٹوھیں درور ات ۔ پاکستان معاشی برجائی ءِ نیمگ رھادگ انت، جتا جتائیں شوبگ آنی تہءَ سرمایہ کاری ءِ پراھ ءُُ شاھیگانیں موہ است ۔ امارات ءِ پاکستان ءَ سرمایہ کاری ءَ گوں واھشت دارگ ءَ را وش اتک کنت ۔ ڈاکٹر فردوس عاشق اعوان ءَ گوشت کہ مزن وزیر عمران خان ءَ ولی ءِ زمانگ ءَ مقبوضہ جموں کشمیر ءَ 150روچ ءَ چہ جاڑیگیں ھرابیں جاور ھال آں چہ سر پد کت ۔ بھارتی ظلم ءُُ نہ وشیں شہریت کانود ءُُ این آر سی ءِ سر ءَ دلگوشی دات ۔ آئی ءَ گوشت کہ دوئیں سروک آنی نیام ءَ مسلمان آنی کاز ءُُ سیت آنی گیش دیمروئی دیگ ءِ ھوالگ ءَ تران ءَ چہ پد دوئیں سروک آں دو نیمگی یکوئی آناں نوکیں برز ءُُ بالائیں کوھنڈگ آنی سر ءَ سر کنگ ءِ جزم ءِ درشان کت ۔
