کوسٹل کمانڈ تیاب دپی سیم سر ھمک رنگ ءَ توکی ءُُ ڈنی بیم آنی گوما دیم پہ دیمی ءِ ازم ءَ دار ایت
اسلام آباد ۔ 3 جنوری (اے پی پی) امیر البحر ایڈمرل ظفر محمود عباسی ءَ گوشت کہ کوسٹل کمانڈ مشکلیں جغرافیائی جاور آں ابید تیاب دپی سیم سر ھمک رنگیں توکی ءُُ ڈنی بیم آں گوں گر ءُُ چیل بوھگ ءِ ازم ءَ دار ایت، پاک چین اقتصادی راہداری ءُُ گوادر پورٹ ءِ سیکورٹی ءِ واستہ کوسٹل کمانڈ ھمک رنگ ءَ تیار انت ۔ آ پاکستان نیوری کوسٹل کمانڈر ءِ ھمک سالی ایفیشنسی کمپٹیشن پریڈ 2019 ءَ گوں گشتانک دیان ءَ کت ۔ ترجمان پاک بحریہ ءِ رد ءَ پاکستان نیوی کوسٹل کمانڈ ءِ ھمک سالی ایفیشنسی کمپٹیشن پریڈ 2019 ءَ چیف آف دی نیول اسٹاف ایڈمرل ظفر محمود عباسی مراگش ءِ ھاسیں مہمان ات ۔ امیر البحر ءَ کوسٹل کمانڈ ءِ 2019ءِ ساھت ءَ آپریشنل چست ءُُ ایر آنی سر ءَ دل یکیمی ءِ درشان کت ۔ پاک بحریہ کوسٹل کمانڈ ءِ زمہ واری آنی دمگ روبرکت ءَ بگر تاں روبرکت جیوانی ءَ تاں پراھ ءُُ شاھیگان انت ۔ امیر البحر ءَ سال 2019ءِ ساھت ءَ جوانیں کار کرد ءِ درشان کنوکیں یونٹس آناں داد دات ۔ ایشی ءَ چہ پیسر کمانڈر کوسٹ رئیر ایڈمرل فیصل رسول لودھی ءَ سال 2019ءِ ساھت ءَ کوسٹل کمانڈ یونٹس ءِ کار کرد ءِ چار ءُُ تپاسی پیش کت ۔
