اسلام آباد۔ 17 فروری (اے پی پی) وزیراعلیٰ سندھ سید مراد علی غٹ درگاہ تے عارضی وڑاٹ بند کننگ و اہم ہند آتا سیکورٹی ئِ سخت کرسا مچ آ صوبہ ٹی سرکاری کہول آ مسہ دے ئی ماتن نا پڑو کرینے۔ ریڈیو پاکستان تون ہیت وگپ کرساآئی جی سندھ اے ڈی خواجہ پارے کہ وزیراعلیٰ سندھ سید مراد علی شاہ سیہون شریف درگاہ لال شہباز قلندر نا دورہ و سیہون شریف ہسپتال اٹی ٹھپی تا جان پڑسی آن پد مچ آ صوبہ ٹی شاہ عبدالطیف بھٹائی تون اوار غٹ درگاہ تے عارضی وڑاٹ بند کننگ، اہم و السی ہند آتا سیکورٹی ئِ سخت کرسا مچ آ صوبہ ٹی مسہ دے ئی سرکاری ماتن نا پڑو کرینے۔ یات سلے کہ تدوک آ دے سیہون شریف سانحہ ٹی 75بندغ تپاخت و 150 آن زیات ٹھپی مسوسر ہرافتیان 65تپاخت کروک آتے درست کرسا لاش آتے اوفتا وارث آتا حوالہ کننگانے۔
