اسلام آباد ۔ 3 جنوری (اے پی پی) مزن وزیر عمران خان ءِ فیصل آباد ءِ تر ءُُ تاب ءِ ساھت ءَ مرچی (آدینگ ءِ روچ ءَ) ھاسیں اقتصادی زون علامہ اقبال انڈسٹریل سٹیٹ ءِ بُن ھشتی سنگ ءَ ایر کنت وھدیکہ مزن وزیر پناہ گاہ آنی بنگیج ءَ کنت ۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ را ڈپٹی کمشنر فیصل آباد کلین فیصل آباد ءِ سر ءَ بریفنگ دنت انت ۔ چین پاکستان اقتصادی راہداری ءِ چیر دستی ءَ سرج میں ملک ءَ 9اقتصادی زون جوڑ کنگ بیت ۔ سی پیک ءِ سبب ءَ ملک ءَ روزگار ءِ نوکیں موہ آنی تہ ءَ گیشی بوھگ ءَ انت ۔ چین پاکستان اقتصادی راہداری منصوبگ (سی پیک) کءِ چیر دستی ءَ پاکستان ءُُ چین ءِ حکومت ءَ پنجاب ءَ علامہ اقبال انڈسٹریل سٹی فیصل آباد، خیبر پختوانخوا ءَ رشکئی ءُُ سندھ ءَ دھابے جی ءِ ھاسیں اقتصادی زونز آنی درجگ داتگ ۔ حکومت سی پیک صنعتی کمک ءَ چہ صنعت آناں دیمروئی ءِ امیت انت ۔ فیصل آباد ءَ علامہ اقبال انڈسٹریل سٹی اولی ھاسیں اقتصادی زون انت ایشی ءِ اولی بھر 2021ءَ سرجم کنگ بیت ۔ علامہ اقبال انڈسٹریل سٹی موٹر وے ایم فور ءِ سر ءَ ساہیانوالہ انٹرچینج ءِ سر ءَ انت ۔ سی پیک ءِ ارزشت ءِ رد ءَ پنجاپ حکومت اے منصوبگ ءَ سک باز ارزشت دنت ءُُ اے منصوبگ ءَ را زوت سرجمی ءِ واستہ ھمک رنگ ءِ کمک پجاری کنت انت ۔ اے منصوبگ ءِ سرجمی آیوکیں پنج سال آنی ساھت ءَ 3 لکھ مزدگری ءِ موہ ءَ پیداک بنت ءُُ مزن وزیر ءِ 10لکھ مزدگری پیداک کنگ ءِ ویژن ءِ سرجم کنگ ءَ کمک رسیت ۔ مزنیں کساس ءَ چین ءِ پرائیویٹ سیکٹر ءِ کمپنی سرمایہ کاری کنگ ءَ انت ءُُ جوانیں سٹرکچر ءُُ کزبی منیجمنٹ ءِ سبب ءَ اے سرمایہ کار ءَ ھمروچگیں رد ءَ گیشی بوھگ ءَ انت ۔ فیڈملک پاکستان ءَ درستاں چہ مستریں سپیشل اکناملک زون ڈویلپمنٹ کمپنی انت ۔
