اسلام آباد ۔ 2 جنوری (اے پی پی) مزن وزیر عمران خان ءَ گوشت کہ نیب آرڈیننس ءَ مٹ ءُُ بدلی ءِ مشکلیں پیسلہ کاروبار ءَ آسانی ءُُ بیورو کریسی ءَ را رھبند آنی ردئی ءِ پد ءَ نیب ءِ گرگ ءُُ بند ءَ چہ رکھگّ ءِ واستہ کنگ بوتگ، اے ھوالگ ءَ منگ نامہ ارزشتی انت، معاشی برجائی ءِ واستہ گورننس ءِ نظام ءَ را گہتر جوڑ کنگ ءِ …
مزن وزیر عمران کان ءِ سرکاری اپسرگ آں گوں گشتانک
گیشتریں ھال
اسلام آباد ۔ 2 جنوری (اے پی پی) مزن وزیر عمران خان ءَ گوشت کہ نیب آرڈیننس ءَ مٹ ءُُ بدلی ءِ مشکلیں پیسلہ کاروبار ءَ آسانی ءُُ بیورو کریسی ءَ را رھبند آنی ردئی ءِ پد ءَ نیب ءِ گرگ ءُُ بند ءَ چہ رکھگّ ءِ واستہ کنگ بوتگ، اے ھوالگ ءَ منگ نامہ ارزشتی انت، معاشی برجائی ءِ واستہ گورننس ءِ نظام ءَ را گہتر جوڑ کنگ ءِ سر ءَ دلگوشی دیگ بوھگ ءَ انت ۔ اے ھیالانی درشانی آئی ءَ پنچ شمبے ءِ روچ ءَ سرکاریی اپسرگ آں گشتانک دیان ءَ کت ۔ مزن وزیر ءَ گوشت کہ نیب آرڈیننس ءَ مٹ ءُُ بدلی مشکلیں پیسلہ بوتگ انت، نیب ءِ ترس ءَ چہ دیمروئی منصوبگ آنی تہءَ بیوروکریسی ءِ کرد لُک ءُُ کسان بوتگ ات، نیب آرڈیننس ءَ مٹ ءُُ بدلی ءِ پیسلہ کاروبار ءَ آسانی ءُُ بیوروکریسی ءَ ڈنگی ءُُ ردئی آنی رد ءَ نیب ءِ گرگ ءُُ کیز کنگ ءِ واستہ کنگ بوتگ ۔ آئی ءَ گوشت کہ جمہوریت ءَ سیاسی شور ءُُ مشور ءُُ تپاکی منگ نامہ ءَ چہ دیم ءَ جنزگ بوت کنت ۔ آئی ءَ گوشت کہ ملک مشکلیں جاور آنی تہ ءَ گوزگ ءَ انت، معیشت ءِ ھوالگ ءَ 2019 یک مشکلیں سال ءِ بوتگ چیا کہ وام آنی سبب ءَ ٹوھیں جیڈھ بوتگ، زرّامبار آنی تہءَ کمی، کرنسی ءِ سر ءَ زورّ ءُُ نیاد آنی تہ ءَ گیشی ءِ جیڈھ آں گوں دیم پہ دیمی بوتگ ۔
