ملتان ۔ 02جنوری(اے پی پی) وزیر ءِ درئی کار مخدوم شاہ محمود قریشی ءَ گوشت کہ بھارت ءَ مسلمان آنی ھک آناں لگت مال کنگ ءَ انت، بھارت طاقت ءِ نشہ ءَ گنوک انت ءُُ آواں مسلمان آنی شہریت ءِ کانود ءِ تہ ءَ مٹ ءُُ بدلی کنان ءَ ظلم ءِ گڈی سیم سر در جتگ اَنت ۔ ایشانی سرءَ نوکیں کانود پہ زور جنگ بوھگ ءَ انت ۔ برصغیر ءِ شرپ مندیں روحانی سروک حضرت شاہ رکن الدین عالم ءِ میڈھ ءِ دومی روچ ءَ سرج میں دگنیا ءَ چہ آیوکیں ہزارانی یکیم داروک آں گوں گشتانک دیان ءَ وزیر ءِ درئی کار مخدوم شاہ محمود قریشی ءَ گوشت کہ کشمیری آنی ھلاپ ءَ ظلم ءِ مرچی 150یک سد ءُُ پنجاھمی روچ انت آ گس آنی توک ءَ کیز انت ءُُ ڈن ءَ کرفیو انت ءُُ آ جنازہ ءَ ھم چیر ءُُ کائی وانت ۔ جامع مسجد ءَ نماز ءِ وانگ ءِ اجازت نیست ۔ دومی نیمگ ءَ کنٹرول لائن ءِ سر ءَ بھارت اُرد بزگیں شہری آنی سر ءَ تیر گواری کنگ ءَ انت ءُُ انوگ ءَ تاں تیر گواری ءَ 210مردم شہید بوتگ انت بلے بھارت وت اے توا میں گامگیج آں کنگ ءَ انت ۔ آئی ءَ گوشت کہ من مرچی ھالتاک ءَ ونتگ کہ ہندوستان ءَ یازدھ ریاست انچیں است کہ آ گوشنت کہ ما ہندوستان ءِ جوڑ کتگیں شہریت ءِ کانود ءَ را نہ مناں ۔ وزیر ءِ درئی کار ءَ گوشت کہ بازیں ملک دژمن ھاٹیگ پاکستان ءِ ھلاپ ءَ پندل ساچی ءَ دزگٹ انت ءُُ آ پاکستان ءَ را ھمزور کنگ لوٹ انت ۔ میڈھ ءِ دومی روچ ءَ نامداریں عالم ءِ دین صاحبزادہ سعید احمد فاروقی، مسلم انسٹیٹیوٹ اسلام آباد ءِ چیئرمین صاحبزادہ سلطان احمد علی ءَ ھم گشتانک دات ۔ مراگش ءَ صوبائی وزیرھاٹیگ ڈاکٹراخترملک ، مخدوم زین قریشی ، پیرعلامہ خالق سلطان ، پیرمقبول احمد ہاشمی ، ڈاکٹرمحمد صدیق قادری ءُُ مخدوم زوہیب حسن گیلانی ءَ ھم بھر زوتی کت ۔ میڈھ ءِ وھد ءَ سیکورٹی ءِ ترندیں انتظامی کنگ بوت ۔ قلعہ قاسم باگ ءَ گاڑی ءِ برگ بندش ات ۔
