وزیر ءِ توکی کار اعجاز احمد شاہ ءِ پاکستان ءَ یمن ءِ سفیر محمد متاہرالاشابی ءَ گوں گند ءُُ نند ءِ ساھت ءَ تران

اسلام آباد ۔ 2 جنوری (اے پی پی) وزیر ءِ توکی کار اعجاز احمد شاہ ءَ گوشت کہ سٹوڈنٹ ءُُ فیملی ویزا آناں وھد ءُُ موہ ءِ سر ءَ پجاری ءِ واستہ آیوکیں وھد ءِ واستہ کار رھبند جوڑ کنگ بوتگ، فیملی ءِ گوما آیوکیں نودربر آنی واستہ ویزا ءِ وھد ءُُ پاس ءِ ڈگری ءِ ھساب ءَ را گیشینگ ءِ شور ءُُ سلاھ کنگ بوھگ ءَ انت، مئے مول ءُُ مراد آسراتی ءُُ آسانی پجاری کنگ انت ۔ اے ھیالانی درشانی آئی ءَ پاکستان ءَ یمن ءِ سفیر محمد متاہر الاشابی ءَ گوں گند ءُُ نند ءِ ساھت ءَ کت ۔ گند ءُُ نند ءَ وت مہ وتی واھگی کار آنی ھوالگ ءَ ھیال ریچی کنگ بوت ۔ وزیر ءِ توکی کار ءَ گوشت کہ سٹوڈنٹ ءُُ فیملی ویزا ءِ وھد ءُُ موہ ءِ سر ءَ پجاری ءِ واستہ کار رھبند گیشینگ بوت ۔ اے موہ ءِ سر ءَ یمن ءِ سفیر ءَ سیکورٹی ءُُ توکی کار آناں جوانی ءَ مھکم دارگ ءِ پد ءَ وزیر ءِ توکی کار اعجاز احمد شاہ ءِ کار کرد ءَ را ساڑات ۔ یمنی سفیر ءَ کمک ءِ دل یکیمی دات ءُُ وھد دیگ ءِ واستہ وزیر ءِ توکی کار اعجاز احمد شاہ ءِ شگر ءُُ منت گپت ءُُ گوشت کہ اسلام آباد ءَ توا میں آسراتی جوان ءُُ دل یکیمی انت ۔