لاہور ۔ 02جنوری (اے پی پی) لاہور نا پنی آ علاقہ گوالمنڈی موچی گیٹ نا خڑک سل اسے نا گودام اٹی خاخر لگنگ نا نتیجہ ٹی 4 بندغ زوال و 19 ٹھپی مسنو ۔ نجی ٹی وی نا رداٹ نن نیمہ غا لاہور نا گوالمنڈی موچی گیٹ انا علاقہ سل انا گودام اٹی شارٹ سرکٹ نا سوب لگوک آ خاخر مچ آ گودام ءِ تینا پلویڑ اٹی ہلک ۔ خاخر لگنگ نا نتیجہ ٹی 4 بندغ بھاز بے وڑ ہشنگسا زوال کریر و 19 ٹھپی مسر ۔ ریسکیو کمامدارآتارداٹ زوال کروک آ بندغ آتے ٹی عبدالمالک ، عبدالودود، خداداد و فیروز خان وخت اس کہ ٹھپی تیٹی ضیاء، تیمور، شہاب، عبدالخالق ، عطاء دین ، عبدالحلیم، شیر ولی، عزیز، ولید، عبدالرزاق ، رحمت ، حبیب اللہ ، عبدالخالق ، عزیز خان، اختر و کاشف نا پنک اوار ءُ ۔ ریسکیو ذراءع نا پاننگ ءِ کہ موچی گیٹ نا خڑک سِل نا گودام اٹی لگوک آ خاخر نا کیہی گھنٹہ نا کوشست آن پد مون ءِ توننگانے ۔
