اسلام آباد ۔ 02جنوری (اے پی پی) وزیر توانائی عمر ایوب خان نا اختہ ئی تا سوب آن قومی اسمبلی دیوان اٹی وقفہ سوج آتے ٹی اونا وزارت آن تعلقدار سوج آتے پد بٹنگا ۔ پنچ شنبے نادے آ قومی اسمبلی نا دیوان اٹی ڈپٹی اسپیکر قاسم خان سوری دیوان نا کماشی ءِ کرسا ایوان ءِ پارے کہ وزیر توانائی عمر ایوب خان خواست کرینے کہ او اختہ ءِ ہنداخاطران اونا وزارت آن تعلقدار سوج آتے پد بٹنگانے ہرافتے بروک آ باری آ ہلنگک ۔ مسکوہی وزیراعظم راجہ پرویز اشرف پارے کہ ہر سوج انا مون آ لکھوک ءِ کہ بروک آ واری آ اونا ورندی ءِ تننگک ۔ چیئر نا کنڈآن داڑا وزارت آتے متنبہ کننگے و دابابت رولنگ تننگے ۔
