اولیکو ٹوررازم پروموشن و ریجنل انٹیگریشن لیسن ایئر کرافٹ سیلز و سروس لمیٹڈ ءِ غٹ شڑت آتے پورو کننگ آ تننگک، بنجائی وزیر ہوابازی غلام سرور خان

اسلام آباد ۔ 02 جنوری (اے پی پی) بنجائی وزیر ہوابازی غلام سرور خان پارینے کہ غٹ شڑت آتے پورو کننگ آ ایئر کرافٹ سیلز و سروس لمیٹڈ ءِ اولیکو ٹوررازم پروموشن و ریجنل انٹیگریشن (ٹی پی آر آئی) لیسن تننگک ۔ وزارت ہوابازی نا کنڈآن پنچ شنبے نادے آ داڑے جاری بیان نارداٹ 6جنوری آ اولیکو ٹی پی آر آئی لیسن تننگک ۔ بنجائی وزیر غلام سرور خان دا بابت تینا بیان اٹی پارینے کہ دا کمپنی تینا سیل و سواتی جہاز آتا زوت بناءِ کیک ۔ کمپنی نا فلیٹ اٹی 3جہاز، بیچ1900ڈی، سیسنا ایف ۔ 406و کنگ ایئر 250 اوار ءُ ۔ غلام سرور خان پارے کہ دا کمپنی زوت اسے اٹ 2بھلو جہاز ایمبریر ای ۔ 145جہاز ہلنگ اٹ است خواہی تخک ۔ کمپنی کراچی، لاہور و اسلام آباد آن جہاز آتے گوادر ، تربت ، موہنجودڑو ، گلگت و سکردو آ دیک ۔ ٹی پی آر آئی لیسن آن ملکی و درملکی سیل و سوات ءِ مون آ دننگک ۔