اسلام آباد ۔ 02جنوری (اے پی پی) پاکستان تحریک انصاف نا سینیٹر فیصل جاوید پارینے کہ حزب اختلاف نا جماعت آک شونداری نا کثیر الجہتی بشخ آتے ٹی وزیراعظم عمران خان نا شاندار کارکڑدگی و ملک انا روشنا آخبت کن اونا مخلصانہ کوشست آتیان بایدے خوفزدہ مفس ۔ نجی ٹی وی چینل تون گپ و تران اٹی اوپارے کہ 2020 ء نیزگار الس کن سکون نا سال مریک و وزیراعظم عمران خان نا کماشی ٹی ملک تینا حقی ہدف آتے دوئی کننگ کن سہی کنڈا ہِننگ ءِ ۔ سینیٹر فیصل جاوید پارے کہ خلقت پاکستان تحریک انصاف نا مینڈیٹ نا مخ تفی ءِ کرینو و حکومت تینا وعدہ غاتارداٹ السی ویل آتے ایسر کیک ۔ اوپارے کہ اپوزیشن نا کرپٹ مافیا حکومت نا برخلاف بے جا پروپیگنڈہ کننگ ءُ ولے الس عمران خان نا حکومت آن پراومیت ءُ و قوم ملک اکن عمران خان نا دے و نن نا جہد ءِ خننگ ءِ، فیصل پارے کہ الس تحریک انصاف ءِ بدلی کن تینا وونٹ ءِ بٹینے ۔ اوپارے کہ پی ٹی آئی السی خذمت آتا مشن ءِ برجاتخک وخت اس کہ بدعنوانی ٹی اوار عنصر آک تینا دروغ انا بیان و بلیک میلنگ نا حکمت عملی آن حکومت ءِ بِٹنگ نا کوشست کننگ ءُ ولے او دا مکروہ عزم آتے ٹی شکست کنیرہ ۔ اوپارے کہ ملک اٹی شونداری سخت احتساب آن بیدس بے پورو مریک و نن ملک اٹی معاشی تنکی نا مون ءِ توننگ اٹ سرسہب مسونن ۔ فیصل جاوید پارے کہ 2019ء ٹی نن عمران خان نا کماشی ٹی ملکی زرگزران ءِ سوگو کرینن و 2020ء ٹی خلقت اونا سہی بھرم تے دوئی کیک ۔ اوپارے کہ 1960 نا دہائی آن پد نن دُوارہ صنعت کاری نا شونداری آ چکار کرینن ہراڑے نن ملک اٹی پین صنعت آتا جوڑ کننگ آن افراط زر و نیزگاری نا مون ءِ توننگ کینہ ۔ اوحزب اختلاف نا جماعت آتے ہم پارے کہ او سال 2020اٹی السی فائدہ و ا وفتا ایسری ءِ کانود سازی نا کمک اٹ تالان کننگ آ پورو چکار تخر ۔ فیصل پارے کہ پوسکن آ سال 2020ء ٹی حکومت معاشی نظام اٹی پین سوگوی اتنگ نا کوشست کیک تانکہ لس بندغ نا زند اٹی گچینی برے ۔ اوپارے کہ حکومت زرکاری نا پیش رفت، محصولات آتے ٹی ودکی، افراط زر نا مون ءِ توننگ و زند انا خڑچ آتے ٹی وابستہ ودکی تون مقابلہ کننگ آ اسہ وڑ چکار کننگ ءِ ۔ اوپارے کہ اونا حکومت قومی زرگزران ءِ سوگو کرے ، روزگار و نیزگاری ٹی کمتی ءِ مون آ دننگ کن مچ آ ملک اٹی ڈٹ آتا بناءِ کیک ۔ سینیٹر فیصل جاوید پارے کہ وزیراعظم غٹ وزیر آتے پارت کرینے کہ او لس بندغ نا زند انا آب ءِ گچین کننگ آ چکار کیر ۔ اومستی پارے کہ عمران خان ملک اٹی شونداری کن دے ونن کاریم کننگ ءِ ۔
