اسلام آباد ۔ 02 جنوری (اے پی پی) وزیر دفاع پرویز خٹک نا کماشی ٹی حکومتی ڈل اپوزیشن لیڈر نا چیمبر اٹی مسلم لیگ (ن) نا راہشون آتون اوڑدہی کرے ۔ پنچ شنبے نادے آ وزیر دفاع پرویز خٹک بنجائی وزیر پارلیمانی امور اعظم خان سواتی و سینیٹ اٹی قائد ایوان سینیٹر شبلی فراز اپوزیشن لیڈر نا چیمبر اٹی مسلم لیگ )(ن) نا راہشون آتون اوڑدہی کریر مسلم لیگ (ن) نا راہشون تیٹی سردار ایاز صادق، خواجہ آصف و رانا تنویر حکومتی ڈل ءِ بخیر اٹ پاریر ۔ اوڑدہی آن پد میڈیا تون گپ و تران کرسا بنجائی وزیر دفاع پرویز خٹک پارے کہ آرمی چیف نا ملازمت نا مد اٹی ودکی نا معاملہ غا سلابت برجاءِ ۔ اوپارے کہ مسلم لیگ (ن) نا راہشون آتون اوڑدہی مثبت مسنے وخت اس کہ ایلو اپوزیشن جماعت آتون ہم رابطہ کننگ اُن ۔
