اسلام آباد ۔ 02جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ ایپٹما نا وزیراعظم عمران خان و اونا معاشی ٹیم نا ٹیکسٹائل برآمد آتے ٹی ودکی کن چست کروک آ گام گیج آتا ستا و حکومت آ اوفتا پت انا درشانی ءِ، دا برآمد آتا مون آ دننگ کن حکومت نا مخلصانہ کوشست آتا شاہدی اسے، بروک آ دے تیٹی …
وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ
گیشتریں ھال
اسلام آباد ۔ 02جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ ایپٹما نا وزیراعظم عمران خان و اونا معاشی ٹیم نا ٹیکسٹائل برآمد آتے ٹی ودکی کن چست کروک آ گام گیج آتا ستا و حکومت آ اوفتا پت انا درشانی ءِ، دا برآمد آتا مون آ دننگ کن حکومت نا مخلصانہ کوشست آتا شاہدی اسے، بروک آ دے تیٹی صنعت آتا اڈتننگ نا بابت پالیسی نا پڑو ءِ کننگک ۔ پنچ شنبے نادے آ خصوصی کمکار ڈاکٹر فردوس عاشق اعوان تینا ٹویٹ اٹی پارے کہ بند صنعت آتا بحالی کن ہلہلئی گام گیج کننگک تانکہ نیزگار و خواری کش مزور آتا اُرانا چولہا لگنگ کے ۔ کرپاس نا فصل ٹیکسٹائل صنعت نا مون آ دننگ کن بنداوی اہمیت تخک ۔ اوپارے کہ کشت وکشار نا بشخ ءِ سی پیک نا بشخ کننگانے ، چین نا کمک اٹ ٹیکنالوجی نا کاریم اٹ اتنگ آن کرپاس نا پیدوار ءِ ودفنگک ۔ وزیراعظم نا وژن نا رداٹ کشاری بشخ ءِ سوگو کننگ کن دا اہم گام گیج آتیان برآمد آتے ٹی خاطر خواہ ودکی مریک ۔ ڈاکٹر فردوس عاشق اعوان پارے کہ وزیراعظم ٹیکنالوجی نا کاریم اٹ اتنگ آن کشاری دوئی و بج آتا وڑوڈول آتے ٹی ملاوٹ کروک آ مافیا نا برخلاف ہم سخت گام گیج کننگ نا پارت کرینے ۔
