اسلام آباد ۔ 02جنوری (اے پی پی) وزیر داخلہ اعجاز احمد شاہ پارینے کہ سٹوڈنٹ و فیملی ویزہ نا وخت آ فراوانی کن لاءحہ عمل اس جوڑ کننگانے، فیملی تون اوار بروک آ طالب علم آتے کن ویزہ نا مد انا ڈگری نا حساب اٹ تعین کننگ نا سلاہ غا سجفنگ انگ ءِ، ننا مسخت آسراتی و آسانی فراوان کننگ ءِ ۔ داخیال آتا درشانی ءِ او پاکستان اٹی یمن نا سفیر محمدمتاہر الاشابی تون اوڑدہی ٹی کرے ۔ اوڑدہی ٹی تین پہ تینی است خواہی نا باندات آتیا گپ و تران کننگا ۔ وزیر داخلہ پارے کہ سٹوڈنٹ و فیملی ویزہ نا وخت آ فراوانی کن لاءحہ عمل اس جوڑ کننگانے، فیملی تون اوار بروک آ طالب علم آتے کن ویزہ نا مد انا ڈگری نا حساب اٹ تعین کننگ نا سلاہ غا سجفنگ انگ ءِ ، ننا مسخت آسراتی و آسانی تا فراوانی ءِ ۔ اوپارے کہ پورو کوشست ءِ کہ ہڑتوم آ کنڈآتا تعلقداری تیٹی ہروڑ کمک کین، تخوک آ وڑوڈول انا کمک اٹ اپلائی کروک آ بندغ آتے ہر آسودہی تننگک ۔ داوخت آ یمن نا سفیر سیکورٹی و داخلی باندات آتے جوان وڑاٹ پورو کننگ آ وزیر داخلہ اعجاز شاہ نا کارکڑد انا ستاءِ کرے ۔ یمنی سفیر کمکاری نا باوری و وخت اکن وزیر داخلہ اعجازاحمد شاہ نا منت واری ءِ ہرفے و پارے کہ اسلام آباد اٹی غٹ آسراتیک است جم ءُ ۔
