اقوام متحدہ۔ 17 فروری (اے پی پی) اقوام متحدہ سیہون اٹی درگاہ لعل شہباز قلندر آ دہشت گرد جلہو نا مذمت ئِ کرینے و حکومت پاکستان تون پارینے کہ ڈوہدار آتے دمدستی وڑاٹ اوفتا کروک نا سز ا تننگے۔ جلہو اٹی 80 بندغ شہید و بھلو کچ اسے ٹی ٹھپی مسوسر۔ سیکرٹری جنرل نا ترجمان پدسلوک آ خاہوت، حکومت پاکستان و پاکستانی الس تون ہڑزخواہی نا درشانی ئِ کرے و ٹھپی تا زوت جان جوڑی کن دعا کرے۔ ترجمان پارے کہ اقوام متحدہ دہشت گردی نا برخلاف جنگ اٹی حکومت پاکستان نا پورومخ تفی و جہانی و انسانی حق انا اقدار نا پورو شرف ئِ کیک۔
