لاہور۔یکم جنوری(اے پی پی)گور نر پنجاب چوہدری محمدسرور، سروزیر سردار عثمان بزدارءُُ سپیکر پنجاب اسمبلی چوہدری پرویز الٰہیءِ میان ءَ گند ءُُ نند بوتگ،پنجاب ءِ دیمروئی ءُُ وشھالی ءِ ھاترا پج ءَ دیما روگ ءِ سرا تپاکی،مزن وزیر عمران خان ءِ ملک ءَ را معاشی وڈ ءَ مھکم جوڈ کنگ ءِ ھوار بنجاہی حکومت ءِ دگہ گامءَ را ھم ساڑاتگ۔سرجمیں حالانی ردا چار شمبے ءَ گور نر پنجاب چوہدری محمدسرور،سروزیر سردار عثمان بزدار ءُُ سپیکر پنجاب اسمبلی چوہدری پرویز الٰہی ءِ میان ءَ ھاسیں گند ءُُ نند گورنر ہاوس لاہورءِ تہ بوتگ،اے درگت ءَ صوبائی وزیر قانون راجہ محمد بشارت ءُُ صوبائی وزیر سردار محسن لغاریءِ ھواری ءَ دگہ ھم ساڑی اتنت۔گند ءُُ نند ءِ درگت ءَ پنجاب ءِ سیاسی جاورھال،ورگ ءِ ساپیں آپ ءُُ اُلسی فلاح ءُُ بہبود ءِ مراگش ءُُ دیمروئی منصوبگانی سرا ھبر ءُُ حال بوتگ۔گور نر چوہدری محمدسرورءَ گوشت کہ پنجاب حکومت صوبگ ءِ تہ اُلسی فلاحءُُ بہبود ءِ ھوالہ چہ ہمہ گاماں چست کنگ انت آئی گوست ءِ تہ ہچ مثال نیست ات ءُُ پنجاب اسمبلی کانود ساچی ءِ ھوالہ چہ ھم راج دپتری کار بوتگ،مہ دراھ ھواری ءَ کار کنیں ءُُ صوبگ ءَ را ہمک لحاظ ءَ گوں دیمروئی ءُُ وشھال جوڈ کنیں ءُُ نوکیں بلدیاتی گشینکاریءِ ردا انشاء اللہ مہلوک ءِ جیڈھ آہانی درءِ سرا حل بنت۔آہاں گوشت کہ ملکی معاملہ درست بوتگ ات،2020پاکستان ءِ ھاترا دیمروئی،وشھالی ءُُ امن ءُُ گہبودی ءِ سال پدر بہ بیت ءُُ پاکستان ءَ را دیما روگ ءَ چہ کسے ھم داشت مہ کن ایت۔آہاں گوشت کہ ہمک صورت ءَ پنجاب ءِ مہلوک ءَ را حق دیگ بیت۔تحریک انصاف حکومت ءِ ہمک پالیسی راجی امنگانی ترجمان انت،دو نہ بلکہ یک پاکستان ءِ وعدہ پیلو کنیں۔سر وزیر سردار عثمان بزدار ءَ گوشت کہ مزن وزیر عمران خان ءِ وژن ءِ ردا مہ اتحادی ءَ را پج ءَ برگ اوں ءُُ تحریک انصاف ءِ حکومت ایوکا وعدہ نہ بلکہ عملی گامگیج ءَ زورگ انت۔ایشی ءَ چہ پنجاب ہمک تک ءِ تہ پدریں بدلی آھگ انت ءُُ مہلوک حکومت ءَ گون اوشتاتگ انت،سپیکر پنجاب اسمبلی چوہدری پرویز الٰہی ءَ گوشت کہ مہ بنجاہی ءُُ تحریک انصاف ءِ پنجاب حکومت ءَ گوں پج انت ءُُ استیں حکومت ملک ءِ جیڈھ ءَ چہ نجات دیان ءَ راستیں معنی ءَ دیمروئی ءُُ وشھال کن ایت۔
