اسلام آباد۔ 01 جنوری (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ پوسکن آ سال قومی شونداری، معاشی سوگوی، السی آسودہی و خاص وڑاٹ لس بندغ نا شونہالی نا سال مریک، پاکستان نا الس ہرامشکل حالیت آتون مون تسر داسہ اوفتا زند اٹی خوشی، خوشخبری، و شونہالی نا وخت بننگ ءِ۔ چارشنبے نادے آ تینا ٹویٹ اٹی ڈاکٹر فردوس عاشق اعوان پارے کہ 2020ء ٹی انشاء اللہ الس نا اومیت و است خواہیک پورو مریرہ۔ اوپارے کہ وزیراعظم عمران خان مشکل و جیرت مندانہ فیصلہ غاتیان ملکی زرگزران ءِ سہی کنڈا درینے۔ دا فیصلہ غاتا بھرمک بروک آ تُو و سال اٹی الس اسکان سرمریرہ۔ اوپارے کہ اللہ تعالیٰ آن دعا ءِ کہ پوسکن آ سال پاکستان و مچ آ دنیا ٹی رہینگوک آتے کن امن و سلامتی اس اتے۔
