اسلام آباد۔ 01جنوری (اے پی پی) فیڈرل بورڈ آف ریونیو(ایف بی آر) پاک چین کسٹم گڑاتیا پروٹوکول نا ایس آر او ءِ جاری کرینے، ہرانا رداٹ پاکستان و چین نا نیام اٹ کسٹم گڑاتارداٹ پروٹوکول آ عملدرآمد کننگک، ایس آر او نا جاری کننگ آن پد چین و پاکستان نا نیام اٹ آجو واپار معاہدہ نا فیز ٹو یکم جنوری 2020ء آن بناکرینے۔ ترجمان ایف بی آر نا رداٹ ایف بی آر وزارت واپار تون سلابت کننگ آن پد ٹیرف لسٹ شیڈول اٹی بدلی آن پد ایس آر او ءِ تیار کرینے۔ دا ایس آر او نا جاری کننگ آن پد چین و پاکستان نا نیام اٹ آجو واپار نا معاہدہ نا فیز ٹو یکم جنوری 2020ء آن بناکرے و پوسکن آ ایس آر او نا جاری کننگ آن پد متکن آ ایس آر او 30جون 2007ء نافذ العمل متو۔ پوسکن آ ایس آر او نا رداٹ A0 کیٹیگری ٹی نوشتہ 3251ٹیرف لین تیا کسٹم ڈیوٹی ءِ پورو وڑاٹ چٹفنگانے و یکم جنوری 2020ء آن دا گڑاتیا ہچ ءُ کسٹم ڈیوٹی اس عائد مفک۔ کیٹیگری A7 اٹی اوار گڑاتیا کسٹم ڈیوٹی ءِ اِراسال آن ہفت سال اسکان پدریسہ کم کرسا چٹفنگک۔ کیٹیگری A15 اٹی کسٹم ڈیوٹی ءِ چار سال آن پانزدہ سال اسکان پدریسہ کم کرسا چٹفنگک۔ مارجن آف پریفرینس اٹی اِراکیٹیگری اوار ءُ۔ ایم او پی ون کیٹیگری ٹی کسٹم ڈیوٹی ءِ پروٹوکول نا نافذ العمل مننگ تون بنداوی کچ آن 20 درسد کم کننگک۔ ایم او پی ٹو کیٹیگری ٹی اوار گڑاتیا ڈیوٹی نا کچ ءِ اِراسال انا وخت اٹی بنداوی کچ آن بیست درسد کم کننگک۔ کیٹیگری C1اٹی نوشتہ گڑاتیا ڈیوٹی نا کچ بنداوی کچ انا رداٹ مریک و کیٹیگری C2ٹی نوشتہ گڑاتیا کسٹم ڈیوٹی آ ہچ ءُ رعایت اس مفک۔
