بنجاہی وزیر برائے منصوبگ بندی،دیمروئی ءُُ گہترکاری ءُُ ھاسیں گام گیج اسد عمر

اسلام آباد۔ 31 دسمبر (اے پی پی)بنجاہی وزیر منصوبگ بندی،دیمروئی ءُُ گہترکاری ءُُ ھاسیں گامگیج اسد عمر ءَ گوشت کہ سال 2020ءِ تہ چین پاکستان اقتصادی راہداری ءِ ثمرات دیما آھگ بناء بنت،صنعت ءُُ کشت ءُُ کشاری ءِ ابید دگہ پیداواری تک ءَ سی پیک ءِ شریں اثر دیما بنت۔وتی یک نبشتانک ءِ تہ آہاں گوشت کہ حکومت پاکستان ءَ را فلاحی ریاست جوڈ کنگ ءِ سرا سوگو ءِ سدکی ایر کنگ انت۔حکومت احساس پروگرام ءِ رداغریبانی فلاحءُُ بہبود ءِ ھاترا حکومتی ھرچانی تہ پدریں ودکی کنگ بوتگ۔آہاں گوشت کہ سی پیک ءِ ردا 2020ءِ تہ سرجم بیوکیں مزنیں منصوبگانی تہ بیئپار ءُُ قراقرم شاھدگ ءِ دومی بہر ءِ تہ حویلیاں ءَ چہ تھاکوٹ ءِ 118کلومیٹر ءُُ سکھر چہ ملتان ءِ 392کلومیٹر دراجیں ہائی ویز ءِ جوڈ جاڑی ءِ ٹرانسپورٹ ءِ رھوت ءِ منصوبگ سرجم کنگ ءِ ٹارگٹ ایر کتگ۔بنجاہی وزیر ءَ گوشت کہ اے منصوبگ ءَ چہ سفر ءِ وھد کم کنگ ءُُ مصنوعات ءِ بیئپار ءُُ ہزمت ءِ پھجارگ ءِ تہ ودکی کنگ ءَ کمک رسیت۔آہاں گوشت کہ چین ءِ نیمگا چہ گوادر ءِ تہ بالی پٹ ءِ جوڈ کنگ ءُُ شاھدگانی بنیاتی کوکا ءِ گہتری ءِ ھاترا 40ارب کلدارءِ گرانٹ ءِ سرمایہ کاری کنگ بوھگ انت۔آہاں گوشت کہ سی پیک فیز II ءِ تہ انڈسٹریلائزیشن،سوشیو اکنامک، زراعت ءِ تہ جدت، ٹوارزم ءِ دیمروئی ءِ ھوار لہتیں تک ھوار انت۔آہاں گوشت کہ دومی بھر ءِ تہ ھاسیں اقتصادی زونرءَ ر اھاسیں بنیاتءَ جوڈ کنگ بوھگ انت ایشی ءِ تہ نوشہرہ ءِ تہ رشکئی اقتصادی زون، فیصل آباد ءِ تہ علامہ اقبال ءُُ ٹھٹھہ ءِ تہ دھابیجی زون ھوار انت۔آہاں گوشت کہ اقتصادی زونز ءِ آسرءَ ملک ءِ تہ ڈائریکٹ درملکی سرمایہ کاری ءَ را راغب کنگ ءُُ صنعتی تک ءِ بحالی ءِ تہ کمک رسیت۔