کراچی۔ 31 دسمبر (اے پی پی) صدر مملکت ڈاکٹر عارف علوی ءَ گوں گورنر سندھ عمران اسماعیل ءَ گورنر ہاؤس ءَ گند ءُُ نند کت۔ گند ءُُ نند ءَ ناشرکاری ءِ گر ءُُ دار ءِ ھوالگ ءَ زانت ءُُ سرپدی گامگیج، وانگ ءُُ زانگی ادارگ آں چہ ایشی ءِ ھلاسی، ورنا ئیں باھند آناں منشیا ت ءَ چہ رکھینگ ءِ واستہ چست کتگیں گامگیج آنی ھوالگ ءَ ھیال ریچی کنگ …
صدر مملکت ڈاکٹر عارف علوی ءَ گوں گورنر سندھ عمران اسماعیل ءِ گند ءُُ نند
گیشتریں ھال
کراچی۔ 31 دسمبر (اے پی پی) صدر مملکت ڈاکٹر عارف علوی ءَ گوں گورنر سندھ عمران اسماعیل ءَ گورنر ہاؤس ءَ گند ءُُ نند کت۔ گند ءُُ نند ءَ ناشرکاری ءِ گر ءُُ دار ءِ ھوالگ ءَ زانت ءُُ سرپدی گامگیج، وانگ ءُُ زانگی ادارگ آں چہ ایشی ءِ ھلاسی، ورنا ئیں باھند آناں منشیا ت ءَ چہ رکھینگ ءِ واستہ چست کتگیں گامگیج آنی ھوالگ ءَ ھیال ریچی کنگ بوت۔ گند ءُُ نند ءَ منشیات ءِ ھلاسی ءِ واستہ ھمک رنگ ءِ آسراتی آناں کارمرد کنگ ءِ واستہ جزم ءِ درشان کنگ بوت۔ گورنرسندھ ءَ سٹیزن پولیس لائژن کمیٹی (سی پی ایل سی) ءَ منشیات ءِ واستہ جوڑ کتگیں سیل ءِ بابت ءَ صدر ءِ مملکت ڈاکٹر عارف علوی ءَ سرجمیں ھال آنی بابت ءَ سرپد کت۔ آئی ءَ گوشت کہ صوبگ ءِ جتا جتائیں وانگ ءُُ زانگی ادارگ آنی تہ ءَ اینٹی نارکوٹکس فورس، پولیس ءُُ سی پی ایل سی ءِ کمک ءَ چہ جاڑیگیں گامگیج جاڑی انت۔ صدر ءِ مملکت ءَ صوبگ ءَ چہ منشیات ءِ ھلاسی ءِ واستہ گورنر سندھ ءِ گامگیج آناں لائک ءِ توسیپی نامینت ءُُ پنت ءُُ شون کت کہ وانگ ءُُ زانگی اداگ آنی تہءَ منشیات ءَ را سرجمیں ءَ ھلاس کنگ بہ بیت۔
