صدر مملکت ڈاکٹرعارف علوی ءِ منشیات آناں آس جنگ ءِ مراگش ءَ گوں گشتانک

منشیات ءَ چہ بچگ ءِ واستہ نوکیں باھند آناں جان سلامتیں چست ءُُ ایر آنی نیمگ ءَ دلگوش کنگ لوٹ ایت
کراچی۔ 31 دسمبر (اے پی پی) صدر مملکت ڈاکٹرعارف علوی ءَ گوشت کہ منشیات ءِ کارمردی ایوک ءَ ھما مردم ءَ را ناں بلکینگ ءَ سرجمیں ھاندان ءَ تا تباہ کنت، منشیات ءَ چہ بچگ ءِ واستہ ورنا آناں جان سلامتیں چست ءُُ ایر آنی نیمگ ءَ دلگوش کنگ لوٹ ایت۔ اے ھیالانی درشانی آئی ءَ سئے شمبے ءَ منشیات ءِ آس جنگ ءِ مراگش ءَ گوں گشتانک دیان ءَ کت۔ صدر ءِ مملکت ءَ گوشت کہ منشیات ءِ کارمردی ایوک ءَ ھما مردم ءَ را ناں بلکینگ ءَ سرجمیں ھاندان ءَ را تباہ کنت۔ منشیات ءِ گر ءُُ دار ءِ واستہ ایشی ءِ سپلائی ءَ را دارگ المی انت۔ امریکا منشیات ءِ گر ءُُ دار ءِ واستہ اربانی ڈالر ھرچ کنت۔ کراچی ءِ جاور ھال آنی ھرابی ءِ سبب ءَ منشیات ءِ کاروبار گیش ود اتگ۔ آئی ءَ گوشت کہ منشیات ءِ واستہ ھمک تک ءَ کوشست کنگ لوٹ ایت۔ آئی ءَ گوشت کہ ورنائیں باھند آناں اے سلیں ھوپ ءَ چہ وتارا پھریزگی انت۔ ڈاکٹر عارف علوی ءَ گوشت کہ مات ءُُ پت آناں وتی زھگ آنی سر ءَ ھاسیں دلگوشی دارگ ءِ ضلورت انت۔ آئی ءَ گوشت کہ چاگردی کار آنی ادارگ آنی گوما مسیت آناں ھم کرد پیلو کنگ لوٹ ایت۔