اسلام آباد۔ 17 فروری (اے پی پی) سینیٹ ءِ پاننگانے کہ فاٹا ٹی صنعتی بشخ انا شونداری کن گام گیج کننگ انگ ءِ ، فاٹا نا انتظامی معاملہ غاتیان وزارت سیفران نا ہچ ءُ تعلق اس اف۔ جمعہ آ ایوان بالا ٹی وقفہ سوج آتیٹی سینیٹر اعظم سواتی، اعظم موسیٰ خیل و ایلو باسک آتا سوج آتا ورندی ٹی بنجائی وزیر سیفران عبدالقادر بلوچ پارے کہ دہشت گردی نا چٹفنگ کن پین گام گیج کننگ نا گرج ءِ۔ سیم پار آن دہشت گردی نا واقعہ غا مرسا کیرہ۔ اوپارے کہ ایف آر کوہاٹ و قطبی وزیرستان ایجنسی ٹی اِرا انڈسٹریل سٹیٹ جوڑ کننگ انگ ءِ وخت اس کہ مہمند ایجنسی ٹی ماربل سٹی آخیری مرحلہ غاٹی ءِ۔ اوپارے کہ فاٹا نا معاملہ غاک گورنر خیبرپختونخوا نا بست و بند اٹی ءُ۔ وزارت سیفران فاٹا سیکرٹریٹ نا معاملہ غاتا چاروکی ءِ کپک۔
