اسلام آباد۔ 09 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ وزیراعظم عمران خان ءِ مائنس کننگ نا تغ ءِ خنوک آک تینٹ مائنس مننگ ءُ، ”دولت و تینے بچفنگ نا ڈٹ و ڈول“ و سازش آک بے سہب مننگ ءُ، تینے سوگو تخنگ نا آخیریکو پلان ہم بھاز بے وڑ فلاپ مسنے، داسہ اوفک بایدے سیاست آن اسہ کنڈ مریر۔دوشنبے نادے آ اوپارے کہ داوخت آ سیاسی پڑ آ اِرانظریہ مون پہ مون سلوک ءُ، اسہ نظریہ قومی دولت ءِ پلسا منی لانڈرنگ نا کمک اٹ پیشن جائیداد و ماڑی تفوک آتا ءِ، ایلو نظریہ عمران خان نا ءِ، ہرا قوم انا پلوک آ اسہ اسہ پائی ءِ ہلنگ نا مشن آ سلوک ءِ۔ ڈاکٹر فردوس عاشق اعوان پارے کہ وزیر اعظم عمران خان قومی دولت نا برآمدگی نا جہد ٹی سرسہب مریک، ہرافتے پاکستان نا الس مائنس کرینے او فک سازش آتا کمک اٹ تینے دُوارہ قابل قبول کننگ کن نت و دو خلنگ ءُ۔ اوپارے کہ سازشی تے معلوم مرے کہ او پاکستان نا سیاست آن مائنس مسنو، کرپشن اٹ تینا دولت ءِ پلس کروک آک داسہ مائنس نا توار توار کننگ نا جاگہ غا قوم ءِ پلوک آ دولت ءِ پدی ایتر۔ ڈاکٹر فردوس عاشق اعوان پارے کہ لیگی سرکڑدہ ”عجب کرپشن نا غضب داستان“تا نروک ءُ۔ پاکستان اٹی سیاسی برانز ٹھیکہ غا اوفتارہبر مولانا و ہم نوا تا دوٹی ءِ۔
