اسلام آباد۔ 09 دسمبر (اے پی پی) بنجائی وزیر ڈٹ بندی شونداری و خصوصی گام گیج اسد عمر پارینے کہ پاکستان کشمیر آ بھارت نا غیر کانودی گام گیج آتے مسترد کیک، کشمیر اٹی انسانی حق آتے لتاڑنگ انگ ءِ، ننے اول انسانی بنداو تیا دا ویل ءِ ایسر کروئی ءِ۔ داخیال آتا درشانی ءِ او دوشنبے نادے آ داڑے انسانی حق آتا ڈپلومیسی نا بابت اڈ ہلوک آ سمینار آن تران کرسا کرے۔ اوپارے کہ پاکستان کشمیر آ بھارت نا دا غیر کانودی گام گیج ءِ مسترد کیک۔ کشمیر اٹی انسانی حق آتے لتاڑنگ انگ ءِ، ننے اول انسانی بنداو تیا دا ویل ءِ ایسر کروئی ءِ۔ اوپارے کہ ننا آئین و مذہب ہڑتوم آک ننے انسانی حق آتا رکھ انا تلقین کیرہ۔ علاقہ سے نا الس ءِ ہمیشہ کن کرفیو و ظلم و جور انا کارروائی تا کمک اٹ توننگ مفک۔ اسد عمر پارے کہ پاکستان اٹی انسانی حق آتا باندات آتے و پین زیات تالان کننگ نا سخت گرج ءِ۔ آبادی نا زیات اختہ تپہ غاتے واکدار کننگ و اوفتا ویل آتے حکومتی اولیت آتے ٹی اوار کننگ کن ساڑی حکومت ہر وڑ نا لائحہ عمل اس تینا کننگ ءِ۔
