سیالکوٹ ۔ 8 دسمبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ لندن ءَ مافیا وتی مال ءِ بچارینگ ءِ واستہ تگ ءُُ تاچ کنگ ءَ انت، لیڈر ءَ را بیمار گوندینوک ءُُ زامنی گروک ھمے اپارٹمنٹ ءَ گڑ ءُُ وڑ کنگ ءَ انت، اربانی کلدار ءِ ھرچ ءُُ درچ ءَ بندوکیں اپارٹمنٹ ءَ نندوکیں الس ءِ درد ءِ تران ءَ کنگ ءَ انت، ایشانی معاشی پالیشی ءِ سبب ءَ الس مشکل آنی آماچ انت، شریف فیملی وتی دوست آنی ھمبراھی ءَ لندن ءِ مٹ مٹ ءَ پاکستان ءَ بہ نند ایت، کانود ءِ پنجگ ءَ چہ تئی ھاندان ءُُ زھگ چپ بوت نہ کناں ، الس ءِ جیڈھ ءِ گیواری ءِ وساتہ حکومت جزمیگ انت، مزن وزیر عمران خان گریبیں الس ءِ واستہ ھک ءُُ دل انت، مولانا ءِ دست ءَ اسمبلی ءِ آیگ ءِ لکیر ھلاس بوتگ، نیک ءِ نام ءَ سیاست کنوکیں ٹولیگ ءِ نوں پاکستانی سیاسیت ءِ تہ ءَ اچ جاھ نیست ۔ یک شمبے ءِ روچ ءَ میڈیا ءَ گوں تران کنان ءَ آئی ءَ گوشت کہ نواز شریف لندن اپارٹمنٹ ءِ ملکیت ءَ مدام بُکگ جنوک بوتگ، سسیلین ڈنگ آنی پت مرچی ھمے اپارٹمنٹ ءِ تہ ءَ سیاسی دیوان ءَ کنگ ءَ انت ۔ ھاسیں کمکار ءَ گوشت کہ مزن وزیر عمران خان گریب الس ءِ واستہ یک مومن ات، الس ءِ جیڈھ آنی گیواری ءِ واستہ حکومت جزمیگ انت ۔
