اسلام آباد ۔ 7 دسمبر (اے پی پی) مزن وزیر ءِ ھاسیں کمکار برائے ورنا آئی کار عثمان ڈار ءَ گوشت کہ کامیات ورنا پروگرام ءِ وام آنی ھد ءُُ کساس ءِ واستہ کرد ءُُ بستار دوئیں ارزشتی انت ءُُ وام آنی پجاری ءَ ساپ ءُُ سلہ ئی دل یکیمی جوڑ کنگ بہ بیت ۔ عثمان ڈار ءَ گوشت کہ ورنا آناں نوکیں ٹیکنالوجی ءِ پڑ ءَ دیم ءَ آرگ لوٹاں ، کامیات جوان پروگرام ءِ واستہ 15ہزار دزبندی رستگ ءُُ فاٹا ءِ ورنا آناں 35لکھ کلدار وتی سافٹ وئیر ہاءوس بندات کنگ ءِ واستہ دیگ بوتگ وھدیکہ انفارمیشن ٹیکنالوجی ءُُ سیل ءُُ سواد ءِ شوبگ ءَ ورنا آناں وام دیگ بوتگ ۔ یات دارگ بہ بیت کہ گوستگیں روچ ءَ مزن وزیر عمران خان ءَ کامیات ورنا پروگرام ءِ مراگش ءَ گشتانک دیان ءَ گوشت کہ ورنا آنی سر ءَ دلگوشی بدیت گڈا ایش پاکستان ءَ را دیمروئی دینت ۔
