لاہور ۔ 7 دسمبر(اے پی پی ) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ ترندی ءَ گوں مٹ بوھوکیں دگنیا ءَ سوشل میڈیا ءِ پائیدگ ءَ را پیسر ءَ چہ دو سرئی گیش ودینتگ، مزن وزیر ءِ واھشت انت کہ السی گہبود ءِ واستہ بنجاھی ءُُ صوبائی حکومت سوشل میڈیا ءَ را یک جوانیں میڈیم ءِ رنگ ءَ کارمرد کنگ ءِ رد ءَ ٹوھیں پالیشی یے بہ ٹھین ایت، آ شمبے ءِ روچ ءَ سر وزیر کارگس لاہور ءَ صوبائی وزیر اھوالکاری فیاض الحسن چوہان ءِ ھمبراھی ءَ بنجاھی ءُُ صوبائی حکومت آنی گہتری گامگیج ءِ ھوالگ ءَ برجم داشتگیں دیوان ءِ سروکی ءَ کنگ ءَ ات ۔ دیوان پریس انفارمیشن ڈیپارٹمنٹ ، پیمرا ، ایسوسی ایٹڈ پریس آف پاکستان (اے پی پی)‘ ریڈیو پاکستان‘ پی ٹی وی ءُُ ڈی جی پی آر ءِ اپسرگ آں بھر زوری کت، ڈاکٹر فردوس عاشق اعوان ءَ گوشت کہ حکومت ءِ کار کرد ءَ را گہتریں رنگ ءَ پیش کنگ ءِ واستہ بنجاھی ءُُ صوبائی وزارت ءِ اھوالکاری ءَ گہتریں رابطہ کنگ المی انت، آئی ءَ اے گپ ءِ سر ءَ زور پر دات کہ الس ءِ تہ ءَ زانت سہرا کنگ ءِ واستہ حکومت ءِ گہتریں پالیشی ءِ بابت ءَ سرپدی دیگ ءِ و استہ سوشل میڈیا ءِ پلیٹ فارم گیشاں چہ گیش کارمرد کنگ بہ بیت، ڈاکٹر فردوس عاشق اعوان ءَ گوشت کہ سوشل میڈیا الس ءُُ حکومت ءِ نیام ءَ رابطہ کنگ ءِ یک سیڑھ ات ۔ ھمے ھاترا حکومتی رسانکی ادارگ سوشل میڈیا ءَ را گہتریں وسیلگ ءِ جوڑ بکن اَنت، آئی ءَ گوشت کہ ترندی ءَ گوں مٹ بوھوکیں سرج میں دگنیا ءَ سوشل میڈیا ءِ سیت پیسر ءَ چہ دو سرئی انت ءُُ مزن وزیر ءِ واھشت انت کہ تحریک انصاف ءِ بنجاھی ءُُ صوبائی حکومت سوشل میڈیا ءَ را گہبود ءِ واستہ میڈیم ءِ رنگ ءَ کارمرد کنگ ءِ ٹوھیں پالیشی رد ءُُ بند بدیت ۔
