راولپنڈی07دسمبر (اے پی پی )بنجاھی وزیر ریلوے شیخ رشید احمد ءَ گوشت کہ آرمی چیف ءِ مزدگری ءِ وھد ءُُ پاس ءِ گیش کنگ ءِ ھولگ ءَ پارلیمنٹ آسانی ءَ گوں کانود جوڑ کنگ ۔ انجمن تاجران پرنٹنگ پریس روالپنڈی ءِ نوک گچین بوتگیں کارندہ آنی مراگش ءَ سوگندی دیوان ءَ چہ پد میڈیا ءَ گوں تران کنان ءَ بنجاھی وزیر ریلوے ءَ امیت سہرا کت کہ الیکشن کمیشن ءِ ھوالگ ءَ توا میں جیڈھ زوت گیوار بنت ءُُ حکومت وتی کانودی وھد ءُُ پاس ءَ سرجم کنت ۔ آئی ءَ گوشت کہ پاکستان تحریک انصاف (پی ٹی آئی ) حکومت ءُُ ملک ءَ را تاوان ءَ چہ ڈن کشگ ءِ واستہ راجدپتری کار کنگ ءَ انت ءُُ حکومت ءِ مھک میں پالیشی آنی بدولت ءَ ملک اقتصادی دیمروئی ءِ نیمگ ءَ جنزگ ءَ انت ۔ آئی ءَ گوشت کہ جمعیشت علما اسلام (جے یو آئی ف) ءِ سروک مولانا فضل الرحمن دسمبر ءِ گپ ءَ جنت بلے اے مالوم داری نیست کہ کجام دسمبر ءِ گپ ءَ کنگ ءَ انت ۔ آٗی ءَ گوشت کہ کشمیر پاکستان ءَ مات رگ انت ءُُ ما اچبر وتی کشمیری برات آناں بے ھیال کت نہ کناں آ 100روچ ءَ چہ گیش بھارتی اُرد آنی لگت مالی ءُُ کرفیو ءِ آماچ انت ۔ آئی ءَ راولپنڈی ءِ چُک ءُُ ماتی ہسپتال ءِ بابت ءَ گوشت کہ ہسپتال ءِ جوڑیشت ءِ کار ءِ تہ ءَ ترندی جاڑی انت، زوت راولپنڈی ءَ چار یونیورسٹی جوڑ بیت ۔
