کراچی ۔ 7 دسمبر (اے پی پی) مزن وزیر ءِ مشیر برائے ھزانگ ڈاکٹر حفیظ شیخ ءَ گوشت کہ حکومت ملک ءِ استیں اقتصادی جیڈھ آنی گیواری ءِ واستہ مھک میں کوشست کنگ ءَ انت، استیں حکومت وتی جوانیں گامگیج آنی بدولت ءَ ملک ءَ گہتری اتکگ ۔ اے ھیالانی درشانی آئی ءَ شمبے ءِ روچ ءَ انسٹی ٹیوٹ آ ف بزنس ایڈمنسٹریشن(آئی بی اے ) کراچی ءِ مین کیمپس ءَ ھمک سالی دیوان ءَ داد آنی بھر ءُُ بانگ ءِ ساھت ءَ گشتانک دیان ءَ کت ۔ ا نسٹی ٹیوٹ آف بزنس ایڈمنسٹریشن ءَ پاس بوھوکیں 926نودربر آنی تہ ءَ 6پروگرام آنی 673انڈر گریجویٹ نودربر ھپت پروگرام آنی 252پوسٹ گریجویٹ نودربر ءُُ یک پی ایچ ڈی اسکالر ھوار اتنت ۔ مزن وزیر ءِ کمکار برائے ھزانگ ڈاکٹر عبدالحفیظ شیخ مراگش ءِ ھاسیں مہمان ات ۔ وھدیکہ پیپلز پارٹی ءِ سروک نثار احمد کھوڑو ءُُ دی سٹیزن فاءونڈیشن ءِ شریک سروک مشتاق چھاپرا ھم ھاسیں مہمان ءِ بستار ءَ شریک اتنت ۔
