اسلام آباد ۔ 06دسمبر(اے پی پی) مزن وزیر عمران خانءَ گشتگ کہ میرٹ ءِ دیمروئی ءِ ھاترءَ نظام ء ُادارگاں محکم کنوکیں ادارگ ملک ء ُ چاگرد دائم ءَ دیمروئی کناں ، نوکیں پاکستانءَ نوکیں سوچء ُ فکر ءَ گوں میرٹ ءَ را دیمروئی ، آن لائن سسٹم ءِ ردءَ وام دیءگ، بیپارءَ را ار زان کنگ، کسانیں ء ُ درنیامی صنعت ءَ را گیشاں چہ گیش ارزان کنگ مے حکومتءِ اولی دلگوشی اِنت، کامیاب جوان پروگرام 100درسد ورناہ آنی ھاترءَ اِنت، ایشیءِ فائدگ کسانیں ءُ درنیامی درجگ ءِ صنعت آں ہم سربیت ۔ آ جمعہ ءِ روچءَ کامیاب جوان پروگرام ءِ ردءَ بیروزکاریں ورناہ آناں وام دیءگءِ مراگشءَ گوں تران کنانء َ کتگ ۔ مزن وزیر عمران خانءَ ملکءِ بازیں بھراں کامیاب جوان پروگرام ءِ ردءَ وام زوروکیں ورناہء ُ زالبولاں چیک بھرء ُبانگ کنگ بوتگ ۔ مزن وزیر عمران خان ءَ عثمان ڈار ءَ را کسانیں ء ُ درنیامی بیپارءِ بندات کنگءَ مراد بات پیش کتگء ُ گشتگ کہ آ زالبول ء ُ ورناہ کہ آیانی وام منظور کنگ بوتگ اَنت کہ پہ آیاں دعا کناں کہ آ سوبمند باتاں ۔ بنجاہی وزیر ا سد عمر ءَ گشتگ کہ راستیں دیمروئی ءَ کروڑاں مردم ہوار بنت ۔ آئیءَ گشتگ کہ گوستگیں حکومت ءَ پانچ سالاں یک لکھ 10ہزار دزبندی دیءگ بوتگ بلے انوگیں حکومتءِ اے پروگرام ءِ اولی بھرءَ 10لکھ دزبندی دیم دیءگ بوتگ اَنت، اے ورناہ آنی پہ حکومتءِ سرءَ اوست اِنت ۔ ایشیءَ چہ پیسر مزن وزیر عمران خانءَ اے پروگرامءِ ردءَ دزبندی دیوکیں ورناہ آناں پہ بیپار کنگءِ ھاترءَ چیک داتگ ۔ راجی اسمبلیءِ ڈپٹی اسپیکر قاسم سوری ، منصوبہ بندی ء ُ دیمروئی ءِ بنجاہی وزیراسد عمر، بنجاہی وزیر فہمیدہ مرزا، مزن زیرءِ حاسیں کمک کار عثمان ڈار، مزن وزیرءِ حاسیں کمک ڈاکٹر فردوس عاشق اعوان ، سینیٹر فیصل جاوید، پنجاپ ء ُ خیبر پختونخوا ءِ وزیر ، بنجاہی کابینہ ء ُ مزن گس ءِ باسک ہوار بوتگ اَنت ۔
